"Сәләтле укытучы-сәләтле укучы» бүләкләү тантанасы

Яшьләрнең һәм балаларның физик сәламәтлеген, белемен, иҗатын, патриотизм һәм гражданлык аңын тәрбияләүне дә кертеп, һәрьяклап үсүенә шартлар тудыруга юнәлдерелгән «Яшьләр һәм балалар» милли проектын гамәлгә ашыру кысаларында 2025 елның 4 июнендә Зәй шәһәренең аерым предметларны тирәнтен өйрәнү юнәлешле 7 нче урта гомуми белем бирү мәктәбенең актлар залында укучылар олимпиадаларының бөтенроссия һәм республика этапларында җиңүчеләрне һәм призерларны хөрмәтләү булды, Ринат Фәрдиев исемендәге махсус премия тапшырылды. Агымдагы елда укудагы югары нәтиҗәләр өчен Ринат Фәрдиев исемендәге махсус премия 7нче мәктәпнең 11нче сыйныфын тәмамлаучы Столбова Дарьяга тапшырылды. 2024-2025 уку елында олимпиада хәрәкәтендә югары нәтиҗәләр күрсәткәннәре өчен шәһәр һәм район мәктәпләренең 68 укучысы һәм 58 укытучысы «Сәләтле укытучы – сәләтле укучы» район башлыгы гранты белән бүләкләнде. Укучыларның ата-аналары Зәй муниципаль районы башлыгы Разиф Гали улы Кәримовның Рәхмәт хатларын алдылар. 2024-2025 уку елында олимпиада хәрәкәтендә катнашуның югары нәтиҗәлелеге өчен Россия Федерациясе Федераль Собраниесе Дәүләт Думасы депутатының Рәхмәт хаты һәм күчмә кубок белән 6 нчы мәктәп һәм Кадер мәктәбе бүләкләнде. Бүләкләү тантанасында Зәй муниципаль районы башлыгы Кәримов Разиф Гали улы һәм сигезенче чакырылыш Россия Федерациясе Федераль Собраниесе Дәүләт Думасы депутаты Метшин Айдар Рәис улы, җиденче чакырылыш Татарстан Республикасы Дәүләт Советы депутаты Комаров Рияз Фоат улы катнашты. "Укучыларның фидакарь хезмәте, укытучыларның югары осталыгы һәм ата-аналарның ихлас кайгыртуы район, республика һәм бөек илебез җитәкчелеге тарафыннан һичшиксез хуплауга лаек. Яшь буынның талантларын ачу өчен тәэмин ителгән шартлар — балаларыбызның сәләтләрен үстерү һәм алга таба камилләштерү өчен менә дигән нигез», — дип ассызыкладылар чарада катнашучылар. Мәктәпләрнең ата-аналары, укучылары һәм педагоглары җитәкчелеккә һәрьяклап ярдәм иткәннәре һәм мәгариф үсешенә зур өлеш керткәннәре өчен рәхмәт белдерделәр!