Экологик проект

2025 елның 20 мае, сишәмбе

Экологик тәрбия кысаларында мәктәптә «Чәчәк үсентеләре» проекты тормышка ашырыла, аның максаты мәктәп клумбасын төзекләндерү, укытучы һәм яшьтәшләр белән хезмәттәшлек итә белергә өйрәтү, әйләнә-тирә табигатькә сакчыл караш, хезмәт нәтиҗәләренә хөрмәт тәрбияләү. Биология укытучысы Мустафина А.М. укучылары белән үсентеләргә су сибә һәм пикировка ясый, өлкән сыйныфлар белән бергә утырту өчен территория әзерлиләр, туфракны казыйлар һәм көпшәкләндерәләр. Мәктәп укучылары бу проектта актив һәм зур кызыксыну белән катнашалар. Балалар ачык грунтка чәчәкләр утырта башладылар. Проект ярдәмендә мәктәп территориясе үзгәрәчәк, төрле төстәге чәчәк түтәлләре үтеп баручыларны һәм тирә-юньдәгеләрне сөендерәчәк.