Зәйлеләр "Изге Болгар җыены"нда катнашты

2025 елның 18 мае, якшәмбе

Бүген Болгарда Идел буе Болгар дәүләтенең рәсми рәвештә Ислам динен кабул итү көненә багышланган "Изге Болгар җыены" тантаналы чарасы узды. Бәйрәмгә 25 мең кеше җыелган, шул исәптән руханилар, дәүләт эшлеклеләре һәм Россиянең төрле төбәкләреннән һәм чит илләрдән килгән кунаклар бар иде. Тантаналар Истәлек билгесе һәм Җәмигъ мәчете арасындагы мәйданда башланды, анда катнашучыларны Татарстан Республикасы Рәисе Рөстәм Миңнеханов сәламләде. Үз чыгышында ул билгеләп үткәнчә:

 "Татарстанда конфессияара татулыкның уникаль тәҗрибәсе саклана. Болгар безнең өчен тарихи хәтер генә түгел, төрле буыннарны берләштерүче рухи яңарыш символы да".

   "Изге Болгар җыены" нда Зәй районы Советының бүлек башлыгы Әминә Биккинина җитәкчелегендәге 55 кешедән торган Зәй делегациясе дә катнашты. Бәйрәм  программасында:

-Җәмигъ  мәчете  янында  коллектив  намаз;

   -Кече  минарет  янында  Тәүбә  догасы;

   -Танылган  дин  белгечләренең  лекцияләре  һәм  вәгазьләре;

   - Хаҗга  юлламалар  уйнату;

   - Болгар   цивилизациясе   музеенда   күргәзмәләр;

   -"Балчык   терелгәндә"  ( борынгы   артефактлар);

   -"Болгар легендалары" арт - симпозиумында  катнашучыларның  эшләре;

   -"Акча  тарихы" нумизматик  коллекциясе;

   - Җиңүнең  80  еллыгына  багышланган  күргәзмә;

   -Гарәп  каллиграфиясе  буенча  мастер - класслар;

   -Урта  гасыр  карасы  ясау;

   -Мәйданда  милли  көрәш;

   -Халык  кәсепләре  ярминкәсе.

Көн  дәвамында  кунаклар  өчен  Болгар  музей - тыюлыгының  барлык  объектлары  эшләде,  төп сәхнәдә  бәйрәм  концерты  барды.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International