Зәй районында азык әзерләү техникасы кабул ителде

2025 елның 16 мае, җомга

Бүген Зәй муниципаль районында комиссия әгъзалары азык әзерләү техникасының әзерлеген тикшерделәр. Барлык техника әзерлек технологиясе нигезендә бер рәткә тезелгән, трактор һәм агрегатлар намус белән ремонтланган һәм буялган. Комиссия әгъзалары азык әзерләү техникасын җентекләп карап чыкканнан соң гына кабул итте. Механизаторлар хезмәткә түләү шартлары һәм куркынычсызлык техникасы белән таныштылар. Аеруча беркетелгән техникага сакчыл мөнәсәбәтнең мөһимлеге һәм киләчәктә дә яхшы продукция алу өчен терлек азыгын вакытында сыйфатлы әзерләү зарурлыгы ассызыкланды.