Яшелчә бакчасы утырттык, карагыз, нәрсә үсә!

Безнең «Энҗе» балалар бакчасында балалар тәрбиячеләр җитәкчелегендә яшелчә бакчасы утырттылар. Яшелчә бакчасы утырту – мәктәпкәчә яшьтәге балаларны эшкә тартуның искиткеч ысулы, ә күзәтү процессы - үсемлекнең тере организм булуына ачык инану мөмкинлеге. Язгы җылы килү белән мәктәпкәчә әзерлек төркемендә тәрбияләнүчеләр балалар бакча участогындагы бакча эшләрен яңарттылар. Балалар, грунт әзерләп, үсемлекләр утыртырга керештеләр. Бакчада нинди культуралар үсәчәге турында фикер алышканнан соң, балалар эшкә керештеләр: кишер, суган утырттылар, укроп, петрушка, чөгендер орлыклары чәчтеләр. Хәзер яшь аграрийлар көн саен үсемлекләрнең үсүен һәм үсешен күзәтә, яшелчә һәм чәчәк культураларын карау кагыйдәләрен үзләштерә һәм мул уңыш көтеп ала алалар! Балалар бакчасы участогындагы бакча - балаларга экологик тәрбия бирү шартларының берсе. Ул балага әйләнә-тирә табигать өлкәсендәге белемнәрен киңәйтергә генә түгел, ә гомумиләштерергә дә мөмкинлек бирә.