Зәйдә СВО зонасында һәлак булган хәрбиләрнең туганнарына дәүләт бүләкләре тапшырдылар

Бүген «Энергетик» мәдәният йортында махсус хәрби операция зонасында һәлак булган хәрбиләрнең туганнарына дәүләт бүләкләре тапшыру тантанасы булды. Чара Россия Федерациясе һәм Татарстан Республикасы гимннарын башкарудан башланды. Җыелганнар һәлак булган солдатларны бер минут тынлык белән искә алдылар. Район башлыгы Разиф Кәримов хәрбиләрнең туганнарына улларын илебезнең чын патриотлары итеп тәрбияләгәннәре өчен рәхмәт белдерде. Россия Федерациясе Президенты Указы нигезендә хәрби бурычын үтәгәндә күрсәткән батырлыклары һәм фидакарьлекләре өчен «Батырлык ордены» белән үлгәннән соң рядовойлар Әшрәпов Илнур Илмир улы, Барсуков Демьян Михайлович, Вәлиуллин Ринат Фаиз улы, Захаров Владимир Юрьевич, Козенков Юрий Александрович, Пестов Александр Владимирович, Хәйруллин Айнур Таһир улы, Шәрифҗанов Әнвәр Салид улы, сержант Обидов Рөстәм Рәхмәтҗан улы, матрос Оборин Алексей Геннадьевич бүләкләнделәр. Россия Федерациясе Президенты Указы нигезендә хәрби бурычын үтәгәндә күрсәткән батырлыгы һәм фидакарьлеге өчен «Батырлык өчен» медале белән рядовой Зәйнуллин Ринат Гыйльмулла улы бүләкләнде. Безнең якташларыбыз, хәрби антларына тугры булып, киләчәк буыннар өчен тыныч тормыш өчен махсус хәрби операциядә катнашканда һәлак булдылар. Хәрбиләр Ватанны саклауга бастылар, куелган бурычларны батырларча үтәделәр, батырлык күрсәттеләр, зәйлеләр өчен алар чын геройлар, батырлык һәм кыюлык үрнәге. Бүләкләрне туганнарына район башлыгы Разиф Кәримов һәм хәрби комиссар Айрат Әгъләмҗанов тапшырды. Геройлар турындагы якты истәлек безнең йөрәкләрдә мәңгегә сакланыр.