Ялларсыз медицина кайгыртуы: Зәй үзәк район хастаханәсенең мобиль бригадалары май бәйрәмнәрендә ничек эшләде
Май бәйрәмнәрендә күпләр ял иткән арада, Зәй үзәк хастаханәсе табиблары һәм шәфкать туташлары район халкының сәламәтлеген кайгыртуларын дәвам иттерделәр. Күчмә бригадалар, югары (ВРД) һәм бик югары декомпенсация куркынычы булган (ОВРД) төркемнәрдәге пациентларга ярдәм күрсәтү өчен, ерак авылларга барып көн саен эшләделәр. Табиблар диспансер күзәтүен фельдшер-акушерлык пунктларында (ФАПларда) һәм сәламәтлекләре начар булу сәбәпле поликлиникага мөстәкыйль йөри алмаган пациентларның өйләрендә үткәрделәр. Тикшерү барышында стационар ярдәмгә мохтаҗ кешеләрне ачыклаганнар һәм оператив рәвештә Зәй үзәк хастаханәсенә озатканнар. Сәламәтлеккә комплекслы якын килүдә табиблардан тыш, гомуми практика табибларының шәфкать туташлары һәм медицина профилактикасы кабинеты хезмәткәрләре дә актив катнашты. Алар кан басымын үлчәгәннәр, табиб билгеләве буенча ЭКГ үткәргәннәр, пациентларга сәламәт яшәү рәвеше (ЗОЖ) мәсьәләләре буенча консультацияләр биргәннәр, кан басымын контрольдә тоту буенча белешмәләр, буклетлар һәм көндәлекләр таратканнар.
Профилактика-озак яшәүгә ачкыч. Хроник авырулары булган пациентларга аерым игътибар бирелгән, алар өчен даими күзәтү һәм дәвалауны коррекцияләү мөһим. Табиблар искә төшерә: бәйрәм көннәрендә дә сәламәтлегеңне онытырга ярамый, ә вакытында диагностика ясау һәм белгечләрнең киңәшләрен үтәү катлаулануларны булдырмаска ярдәм итә."Безнең бурыч — һәркем өчен, бигрәк тә аңа иң мохтаҗлар өчен медицина ярдәме алу мөмкинлеген тәэмин итү", - дип ассызыклыйлар Зәй үзәк район хастаханәсендә. Медицина бригадаларының бердәм эше нәтиҗәсендә дистәләгән зәйле ял иткән көннәрдә тиешле ярдәм алды. Бу район халкының тормыш сыйфатын күтәрүгә һәм сәламәтлеген саклауга тагын бер адым булып тора.