Хәтер вахтасы - 2025
23 апрельдә тантаналы рәвештә «Гвардия» хәрби-патриотик клубы отрядын Волгоград өлкәсенә «Хәтер вахтасы 2025» эзләү экспедициясенә озаттылар. Юлга чыгучыларны сәфәргә Зәй шәһәре башлыгы урынбасары Максимов С. В., Башкарма комитет җитәкчесенең социаль мәсьәләләр буенча урынбасары Камалова Р. Н., яшьләр эшләре идарәсе башлыгы Шәрәфиева Г. М., Зәй районы буенча хәрби комиссариатның чакырылыш бүлеге башлыгы Гурьянов А.Ю озатып калдылар. «Гвардия» эзләү отряды җитәкчесе Никифоров В. М. Ел саен «Гвардия» эзләү отряды Волгоград өлкәсенең Городищенск районына (анда 1942-1943 елларда Сталинград янында каты сугышлар узган) экспедицияләр оештыра.
23 апрельдә 40 кешедән торган команда юлга чыкты. Эзләү отряды эшендә иң мөһиме - һәлак булганнарның исемнәрен ачыклау, туганнары белән элемтәгә керү һәм барлык хәрби хөрмәтләр белән Ватан геройларының калдыкларын җиргә иңдерү.
Чара азагында эзләүчеләрне бүләкләү тантанасы узды. «Гвардия» эзләү отряды катнашучысы Виктор Уразайкин Татарстан Республикасын эзләү хәрәкәтендә күрсәткән эшчәнлеге өчен алтын билге белән бүләкләнде.