Яшьләр үзәгендә психолог белән очрашу узды

Иске Зәй бистәсе яшьләр үзәгендә район үзәк дәваханәсе клиник психологы Гелена Викторовна Цымбал белән тренинг узды. "Сезнең кыйммәтләрегез нинди?" – тренинг нәкъ менә шушы сораудан башланды. Очрашу барышында балалар кыйммәтләрнең үз-үзләрен тотышларын, дөньяны сайлауны һәм кабул итүне формалаштыручы фундаменталь карашлар һәм идеяләр икәнен белделәр. "Кыйммәтләр - безнең юл картасы. Без эчке дөньябызда да адаша алабыз. Һәм кыйммәтләр, бу очракта, ахыр чиктә безне билгесезлектән алып чыгачак юл билгеләре кебек", - дип билгеләде Гелена Викторовна. Кыйммәтләр кешегә тормышта нәрсә мөһим булуын билгеләргә ярдәм итә- гаилә, дуслык, уңыш, сәламәтлек яки үз-үзеңне үстерүме ул. Алар кешенең гамәлләре һәм нинди карарлар кабул итүенең, бигрәк тә катлаулы очракларда, ориентирлары булып хезмәт итә. Психолог һәркемгә үзенең төп кыйммәтләрен билгеләргә мөмкинлек бирә торган интерактив күнегүләр тәкъдим итте. Бу күпләр өчен ачыш булды, чөнки үз өстенлекләреңне аңлау - аңлырак һәм гармонияле яшәү өчен ачкыч.