Район башлыгы Р.Г. Кәримовның Ураза гаете белән тәбрикләве

Хөрмәтле мөселманнар, кадерле зәйлеләр! Ихлас күңелдән барыгызны да якынлашып килүче Ураза гаете белән котлыйм! Бу бәйрәм тирән рухи мәгънәгә ия һәм ул иманны ныгыту, үз-үзеңне камилләштерү һәм әхлакый чистартуны чагылдыра. Ураза гаете гаилә һәм дуслар белән аралашу шатлыгы бирә. Бу көннәрдә мохтаҗларга җылылык һәм кайгыртучанлык, шәфкатьлелек һәм юмартлык күрсәтү аеруча мөһим. Шунысы куанычлы, муниципаль районыбызның мөселман оешмалары үсеп килүче буынны тәрбияләүгә, дуслык традицияләрен үстерүгә, мәдәниятләрне баетуга зур өлеш кертәләр. Сез махсус хәрби операциядә катнашучыларга һәм аларның гаиләләренә мөһим гуманитар ярдәм күрсәтәсез, районда уздырыла торган барлык чараларда да актив катнашасыз. Якташларыбыз — махсус хәрби операциядә катнашучыларның хәрби батырлыклары чын күңелдән горурлык хисләре уята. Алар илебез мәнфәгатьләрен намус белән лаеклы яклыйлар. Барлык конфессияләрнең дин тотучылары безнең геройлар исән-сау өйләренә кайтсын дип теләп, дога кылалар. Изге Рамазан аенда яуланган рухи җиңүләр һәм кылынган игелекләр бу дөньяда шатлык һәм гармонияне арттыруга өлеш кертсен! Районыбыз мөселманнарына ныклы сәламәтлек, иминлек һәм тыныч күк йөзе телим. Хөрмәт белән муниципаль район башлыгы Разиф Кәримов