Зәй районында махсус хәрби операциядә һәлак булган хәрби хезмәткәрне соңгы юлга озаттылар

Бүген Зәй районы махсус хәрби операциядә катнашкан 58 яшьлек Нурбәков Рәсүл Абдулла улы белән хушлашты. Рядовой Луганск һәм Донецк Халык республикалары территориясендә хәрби бурычын үтәү барышында һәлак булган. Матәм мәрәсиме Карман авылы клубында узды. Район башлыгы Разиф Кәримов, республика Хөкүмәте кураторы Иван Гущин, Зәй шәһәре һәм Зәй районы хәрби комиссары Айрат Әгъләмҗанов туганнарының һәм якыннарының, барлык авыл кешеләренең кайгысын уртаклашу сүзләре белән мөрәҗәгать иттеләр. Рәсүл Абдулла улын соңгы юлга бөтен хәрби хөрмәт белән озаттылар. Солдатны бер минут тынлык белән искә алдылар. Хәрби хезмәткәрне Карман авылы зиратына җирләделәр. Каһарман турындагы истәлек зәйлеләрнең йөрәкләрендә мәңге яшәр.