Зәй делегациясе Татарстан Республикасы Мөселманнары Диния нәзарәте съездында

Бүген "Казан Экспо" Халыкара күргәзмә үзәгендә Татарстан Республикасы Мөселманнары Диния нәзарәте съезды узды, анда Татарстан мөфтиен сайлаулар узды. Бу постка бертавыштан Камил хәзрәт Сәмигуллин сайланды, ул инде дүртенче тапкыр республика мөфтие булды. Съезд эшендә район башлыгы урынбасары Петр Уразайкин һәм район имам-мөхтәсибе Фатих хәзрәт Нуруллин җитәкчелегендәге Зәй районы делегациясе дә катнашты. Съездда шулай ук төбәктә ислам үсешенә зур өлеш керткән дин әһелләрен бүләкләү булды. Бүләкләнүчеләр арасында-Зәй районы Чыбыклы авылы имамы Галәлетдин хәзрәт Ситдыйков та бар, ул ТР мөселманнары Диния нәзарәтенең 30 еллыгы уңаеннан медаль белән бүләкләнде. Шулай ук «Казан Экспо» да мөселманнарның Диния нәзарәте съезды кысаларында XIII Республика ифтары узды. Чарага 13 меңгә якын кеше җыелган иде. Республика ифтарында катнашучылар мөселманнарның фашизмны җиңүдәге роленә һәм махсус хәрби операциягә ярдәм итүгә багышланган зур экспозиция белән таныштылар.