Зәй укучылары татар теле буенча республика олимпиадасында

2025 елның 12 мартында Татарстан Республикасы Мәгариф һәм фән министрлыгының «Республика олимпиада үзәге» «Дуслык» сәламәтләндерү – белем бирү комплексы базасында рус телендә белем бирүче мәктәпләрнең 4-11 сыйныфларында татар төркемнәре укучылары арасында туган татар теле буенча укучыларның республика олимпиадасының йомгаклау этабы үткәрелде. Олимпиадада катнашу йомгаклары буенча: 1 нче мәктәпнең 8 нче сыйныф укучысы Кондратьева Анна, 4 нче мәктәпнең 7 нче сыйныф укучысы Фартдинова Риана, 2 нче мәктәпнең 6 нчы сыйныф укучысы Солтанова Камилә һәм Шарапова Ралина призлы урыннар яуладылар. Призерларны әзерләгән укытучылар: Хәйретдинова Лениза Әүхәдиевна, 1 нче мәктәпнең татар теле укытучысы, Мөхәммәтшина Венера Фәретдин кызы, 4 нче мәктәпнең татар теле укытучысы, Зәбурдаева Раушания Риф кызы, 2 нче мәктәпнең татар теле укытучысы.