Зәй пьедесталда: киокусинкай буенча Идел буе округы беренчелеге нәтиҗәләре

15-16 мартта Ульян шәһәрендә киокусинкай буенча Идел буе федераль округы беренчелеге узды, анда 20 шәһәрдән 400 гә якын спортчы катнашты. Зәй шәһәрен Татарстан Республикасы командасы составында тренерлар Алексей һәм Владимир Ревиннар кул астында шөгыльләнүчеләр тәкъдим итте. Бу Россия беренчелегенә сайлап алу ярышлары булды. Зәй спортчылары чираттагы мәртәбә спорт әзерлегенең югары дәрәҗәдә булуын күрсәттеләр һәм мактау пьедесталына күтәрелә алдылар. Үз категорияләрендә Ревин Егор, Скопинцев Георгий, Хөснетдинов Марат, Камалиева Амелия, Агапова Элиза җиңүче булды. Көмеш медальне Селиверстов Радаль яулады. Өченче урынны Вәлишин Айрат, Москова София, Ихинданова Умукурсум, Фаршатова Адилия алды. Гомумкоманда зачетында Татарстан Республикасы җыелма командасы икенче урынны алды, һәм безнең шәһәр спортчылары бу җиңүгә зур өлеш кертте. Спортчыларны һәм аларның тренерларын җиңүләре белән котлыйбыз һәм алда торган Россия беренчелегендә уңышлар телибез.