Район башлыгы Р.Г. Кәримовның Торак-коммуналь хуҗалык хезмәткәре көне белән тәбрикләве

Хөрмәтле торак-коммуналь хуҗалык һәм көнкүреш хезмәте күрсәтү хезмәткәрләре һәм ветераннары! Чын күңелдән сезне һөнәри бәйрәмегез белән котлыйм! Бу мөһим тармакларда эшләүчеләрнең эшчәнлеге гаять зур әһәмияткә ия һәм безнең һәрберебезгә турыдан-туры кагыла. Хәзерге кешенең тормышын сыйфатлы көнкүреш хезмәте күрсәтүдән, ышанычлы эшләүче торак-коммуналь комплексыннан башка күз алдына да китереп булмый. Безнең йортларыбыздагы, предприятие һәм учреждениеләрдәге җылылык һәм уңайлылык, кешеләрнең тормыш сыйфаты, сәламәтлеге һәм кәефе сезнең оешканлыгыгыз, тиз арада ярдәмгә килә белүегез һәм һөнәри осталыгыгызга бәйле. Сезнең иңнәрегездә бөтен Зәй муниципаль районы тормышы өчен зур җаваплылык ята. Авыр, әмма халык өчен мөһим хезмәтегез өчен ихлас күңелдән рәхмәт сүзләрен кабул итегез! Бай тәҗрибәгез, эшегезне яратуыгыз һәм фидакарьлегегез алга таба да шәһәр һәм авыл кешеләренә тагын да уңайлы шартлар тудыруга юнәлдерелсен! Барыгызга да чын күңелдән нык сәламәтлек, бетмәс-төкәнмәс энергия, иртәгесе көнгә ышаныч һәм күгебезнең аяз булуын телим. Зәй муниципаль районы башлыгы Р.Г. Кәримов