«Боевой карандаш» әдәби-музыкаль композициясе

Бүген С. Рәфыйков исемендәге Үзәк китапханәдә 3нче мәктәпнең 6нчы сыйныф укучылары өчен «Боевой карандаш» дип исемләнгән әдәби-музыкаль композиция узды. Очрашу Бөек Ватан сугышы елларында үз әсәрләрен иҗат иткән рәссамнарның иҗатына багышланды. Чарага тарихи вакыйгаларны, тарихтагы иң канкойгыч сугышны кичергән кешеләрнең фаҗигаләрен һәм батырлыкларын чагылдырган махсус картиналар җыелмасы әзерләнгән иде. Иң мәшһүр әсәрләр арасында Сергей Герасимовның «Партизан анасы», Борис Неменскийның «Фронттан хат», Виктор Дмитриевскийның «Привалда», Аркадий Пластовның «Фашист пролетел», Петр Кривоноговның «Зверства в Речицах» һәм «Победа» әсәрләрен аерып күрсәтелде. Бу Бөек Ватан сугышына багышланган күпсанлы картиналарның кайберләре генә. Аларның һәркайсы Россия тарихындагы бу фаҗигале чорның төрле аспектларын үзенчә тапшыра. Чара барышында укучыларга шулай ук төрле видеоматериаллар да күрсәтелде.