17-18 яшьлек спортчылар арасында чаңгы буенча Россия беренчелеге

4-9 март көннәрендә Архангельск өлкәсе Кононовская авылында 17-18 яшьлек спортчылар арасында чаңгы ярышлары буенча Россия беренчелеге узды. Татарстан командасы составында Олимпия чемпионы Ф.П. Симашев исемендәге спорт мәктәбе спортчылары: Козенкова Софья, Тюленева Кристина, Нехаев Данил, Москов Линар чыгыш ясадылар. Спортчыларның тренеры - Габидуллин Ракиф Марс улы. Ярышларның йомгаклау көнендә Татарстан Республикасы кызлар һәм егетләр командалары эстафетада көмеш медаль яуладылар: Татарстан Республикасы командасы (Конькова Полина, Козенкова Софья, Тюленева Кристина, Сташкевич Полина); Татарстан Республикасы командасы -1 (Нехаев Данил, Балуев Ярослав, Шакирҗанов Тимур, Москов Линар).