Зәйлеләр "Созвездие - Йолдызлык" фестиваленең зона этабында

2-3 март көннәрендә Түбән Кама шәһәренең Халык иҗаты йортында “Созвездие-Йолдызлык” эстрада сәнгате республика ачык телевизион яшьләр фестиваленең зона этабы узды. Анда Зәй, Сарман һәм Түбән Кама районнары вәкилләре катнашты. Быел фестиваль Бөек Ватан сугышында Җиңүнең 80 еллыгына багышлана. Зәй муниципаль районын 3 хореография коллективы, 12 вокалист, 3 вокаль ансамбль һәм 7 конферансье тәкъдим итте. Болар районыбызның 190нан артык сәләтле һәм талантлы балалары. Безнең балаларның нәтиҗәләре: «Вокал-соло» номинациясе (8-11 яшь): 3 урын - Макаров Глеб, 3 урын - Асадова Сабина. «Вокал-соло» номинациясе (12-15 яшь): 1 урын - Шишмагаева Александра. «Хореография» номинациясе (5-10 яшь): Махсус приз - «Каприз» балалар хореография коллективы. «Хореография» номинациясе (11-15 яшь): 2 урын - «Магия» хореография студиясе; 2 урын - «Каприз» балалар хореография коллективы, Махсус приз - «Улыбка» балалар үрнәк хореография ансамбле. «Вокаль ансамбльләр» номинациясе (5-11 яшь): 1 урын - “АЗАЛЬ” Халык вокаль-хореография ансамбле. «Вокаль ансамбльләр» номинациясе (12-15 яшь): 2 урын - «Мирас» Халык вокаль-хореография ансамбле. «Конферанс» номинациясе (5-9 яшь): 2 урын - Соловьева Есения, Махсус приз - Гордеева Глафира. «Конферанс» номинациясе - өлкән төркем (16-21 яшь): 3 урын - Соловьева Кристина. Зона этабы лауреатлары суперфиналда очрашачак, ул Казанда 19-24 апрельдә узачак. "Йолдызлык" - яшь талантларга үзләрен күрсәтү өчен менә дигән мөмкинлек. Без яшь талантларыбыз белән горурланабыз һәм алар безнең районны фестивальнең суперфиналында лаеклы тәкъдим итәчәкләренә ышанабыз.