Хатын-кызларга мәхәббәт бүләк итегез…

Яз белән бергә безгә иң матур бәйрәм – Халыкара хатын - кызлар көне-8 Март килә. Бу вакытта гүзәл затлар бүләкләр һәм теләкләр кабул итә. Бүген туган якны өйрәнү музеенда узган «Сезнең өчен, яратканнарыбыз» бәйрәм программасы Иске Зәй бистәсе өчен күңелле вакыйгаларның берсе булды. Күргәзмә залы язгы кәеф, елмаю һәм тамашачыларның шатлыгы белән тулган иде. Бәйрәм чарасында гүзәл, сөйкемле хатын-кызлар: махсус хәрби операциядә һәм Чечен республикасында һәлак булган солдатларның әниләре, «Макраме» клубы волонтерлары катнашты. Программа кысаларында берничә конкурс үткәрелде, «Чәчәк бәйләме» аеруча кызыксыну уятты. Аның барышында һәр катнашучы үзе туган ай тасвирланган брошка алды. Программаның музыкаль йолдызы булып чакырылган кунак, танылган педагог Фәридә Шәфкать кызы Иноятова танылды. Ул хатын-кызларга, Ватанга мәхәббәткә, Ватан алдындагы бурычка багышланган популяр җырлар җырлады. Бөтен программа бер сулышта узды, катнашучыларда уңай хис-кичерешләр калдырды.