Зәйдә сәламәтлеге буенча мөмкинлекләре чикләнгән кешеләр өчен чара узды

Татарстан Республикасы Зәй муниципаль районында сәламәтлеге чикләнгән кешеләр белән эшләүгә зур игътибар бирелә. Чираттагы чара агымдагы елның август башында «Энергия» стадионында, «Демография» милли проекты максатларын үтәү йөзеннән узды. Бәйрәмне ачу тантанасы «Энергетик» мәдәният сарае хезмәткәрләренең иҗат номерыннан башланды. Сәламләү сүзе белән чарада катнашучыларга район башлыгы урынбасары Петр Уразайкин мөрәҗәгать итте, ул шулай ук Разиф Кәримов исеменнән Сукырлар җәмгыяте һәм район инвалидлар җәмгыятенең иң актив әгъзаларына Бөтенроссия сукырлар җәмгыятенең Зәй бүлегенең иҗтимагый, мәдәни, спорт тормышында актив катнашканнары һәм инвалидларны социаль тернәкләндерү һәм интеграцияләү эшендә намуслы хезмәтләре өчен рәхмәт хатлары тапшырды. «Бердәм Россия» партиясенең Зәй җирле бүлекчәсе башкарма секретаре Петр Тимаськов үзенең котлау теләкләрен җиткерде, яшь буынны тәрбияләүдә ирешелгән уңышлары өчен район башкарма комитеты җитәкчесе исеменнән рәхмәт хатлары тапшырды. Бәйрәмдә катнашучылар шахмат, шашка, каршылыклар белән йөгерү, спорт йөреше, аркан тартышу, армреслинг, бүләкләр алу һ.б. спорт уеннарында актив катнаштылар. Чара тәмамлангач, иң актив катнашучыларга медальләр һәм грамоталар тапшырылды. «Энергетик» мәдәният сарае» директоры Васильева Ольга Павловна сүзләренә караганда: «Мөмкинлекләре чикләнгән кешеләр өчен мондый бәйрәмнәр уздыру аларның берләшүенә, аралашуына, спортның төрле төрләренә мәхәббәт уятуына ярдәм итә, бу безнең көннәрдә аеруча актуаль"-диде.