Зәй волонтерларын Әлмәткә чакырдылар

Зәй волонтерларын Әлмәткә чакырдылар ТР Дәүләт Советы депутаты Рияз Комаров фронтка көн саен ярдәм итүчеләр өчен кызыклы экскурсия оештырды. «Бердәм Россия» партиясенең Зәй җирле бүлеге Татарстан Дәүләт Советы депутаты, «СМП-Нефтегаз» АҖ генераль директоры Рияз Комаровка берничә ел дәвамында маскировка челтәрләре үреп йөрүче, гуманитар ярдәм җыючы һәм махсус хәрби операция зонасында сугышчыларга ярдәм итүче хатын-кыз волонтерлар өчен сәяхәт оештыруны сорап мөрәҗәгать итте. Ул үтенечне игътибарсыз калдырмады. Депутат командасы һәм «Яз» хәйрия оешмасы җитәкчесе Алия Комарова Зәй делегациясен Әлмәттәге «Алсу» оекбаш фабрикасында каршы алдылар. Очрашу барышында кунаклар «СМП-Нефтегаз» компаниясе һәм «Яз» хәйрия оешмасының махсус хәрби операциянең беренче көннәреннән үк СВО катнашучыларына һәм азат ителгән территорияләрдә яшәүчеләргә актив ярдәм итүләрен белделәр. Зәй волонтерлары үзләренең хезмәте зур уртак эшнең бер өлеше икәнлегенә шәхсән инандылар, анда эре предприятиеләр дә, битараф булмаган кешеләр дә кергән. Зәй волонтерлары өчен чәй эчөстәле оештырылды. Фабриканың әйдәп баручы фәнни хезмәткәре — баш технологы Надежда Галушкина алар өчен махсус цехлар буйлап экскурсия уздырды, быел 40 ел тулган предприятие тарихы турында сөйләде. Кунаклар һәр эшләнмәгә күпме хезмәт, технологияләр һәм ресурслар салынганын үз күзләре белән күрделәр. Бүген фабрикада космонавтлар һәм Россия армиясе өчен оекбашлар бәйлиләр, шулай ук балалар һәм өлкәннәр өчен заманча, милли һәм классик орнаментлар белән продукция чыгаралар. Волонтерларга мастер-класс аеруча ошады, анда алар гади оекбашлардан нәфис розалар ясарга өйрәнделәр. Очрашу азагында кунакларны бүләкләр көтте. Мирный микрорайонының волонтерлар төркеме җитәкчесе Гөлфия Исмәгыйлева балалар бакчасында 42 ел эшләгән, дүрт ел дәвамында маскировка челтәрләре үрә. Ул производствога беренче тапкыр чыкты : "Без монда өч сәгать булдык, бер минут та тик тормадык, күп әйберләр күрдек һәм өйрәндек, бик күп уңай эмоцияләр алдык. Затлы өстәл, кунакчыл мөнәсәбәт, барысы да бик ошады, очрашу бүләкләр белән төгәлләнде, барысы өчен дә зур рәхмәт сезгә!", — дип хис-кичерешләре белән уртаклашты ул. «Безнең хатын- кыз волонтерлар бик зур эш башкара, ялларсыз, хезмәт хаксыз, күңел кушуы буенча эшлиләр. Алар рәхмәт сүзләренә генә түгел, шундый җылы, күңелле вакыйгаларга да лаек", - диде Рияз Комаров. Әлмәт фабрикасына сәфәрләр күркәм гадәткә әверелде. Узган ел анда Зәй -2 микрорайоны волонтерлары төркеме булган. Быел Рияз Комаров командасы Поручик һәм Чыбыклы авыл җирлекләрендә яшәүче СВОда катнашучыларның әниләрен кабул итте.