Иҗатка чикләр юк

24 июльдә Россия Президенты Владимир Путин указы буенча гамәлгә ашырыла торган «Демография» милли проектының «Өлкән буын» федераль проектын башкару кысаларында уңышлы эшләүче «Радость» халыкка социаль хезмәт күрсәтү комплекслы үзәгенең көндезге тору бүлеге базасында социаль хезмәт алучыларның иҗади потенциалын үстерү буенча чираттагы шөгыль үткәрелде. Мондый дәресләр аларның иҗади потенциалын ачарга, тормышта үз юлларын табарга, иҗатта катнашырга, шулай ук үз сәләтләре һәм хезмәт сөючәнлеге аркасында билгеле бер өлкәдә уңышлы тәҗрибә тупларга ярдәм итә. Иҗади сәләтләрен үстерүдән тыш, иҗади активлыкны формалаштыруга да зур игътибар бирелә. Социаль хезмәтләр алучылар төрле дәрәҗәдәге конкурсларда катнашып киләләр һәм җиңүгә дә ирешәләр. Бу аларның үз-үзләренә ышанычлары артуга уңай йогынты ясый. Гомумән алганда, менталь тайпылышлары булган кешеләрнең иҗади сәләтләре чикләрне белми. Аларның потенциалын күрү һәм теге яисә бу юнәлештә үсәргә ярдәм итү мөһим.