Зәйдә махсус хәрби операциядә катнашкан хәрби белән хушлаштылар

Бүген Зәй районы Аксар авылында туган махсус хәрби операциядә катнашкан рядовой Карамов Руслан Равил улы белән хушлашты. Хәрби хезмәткәр хәрби бурычны үтәү барышында һәлак булган. Матәм чарасы авыл мәдәният йортында узды. Район башлыгы Р.Г. Кәримов исеменнән әтисенә, туганнарына, якыннарына, барлык якташларына кайгы уртаклашу сүзләре белән аның урынбасары Петр Уразайкин мөрәҗәгать итте. Җыелучылар алдында шулай ук Татарстан Республикасы Дәүләт Советы депутаты Илшат Әминов, Зәй шәһәре һәм Зәй районы хәрби комиссары Айрат Әгъләмҗанов чыгыш ясады. Россия Федерациясе Президенты Указы нигезендә хәрби бурычын үтәгәндә күрсәткән батырлыгы һәм фидакарьлеге өчен рядовой Карамов үлгәннән соң Батырлык ордены белән бүләкләнде. Хәрби хезмәткәрне соңгы юлга барлык хәрби хөрмәтләр белән озаттылар. Солдатны бер минут тынлык белән искә алдылар. Руслан Равил улын туган авылы зиратына җирләделәр. Герой турындагы истәлек зәйлеләр йөрәгендә мәңге яшәр.