Зәйдә районның иң күркәм гаиләләрен хөрмәтләделәр

8 июльдә Зәйдә Гаилә, мәхәббәт һәм тугрылык көне үтте. Тантаналы чарада бергә мәхәббәттә һәм ризалыкта торган 14 гаилә катнашты. Аларга бәйрәм билгесе итеп ромашка букетлары бүләк ителде. Зәй муниципаль районы башкарма комитеты җитәкчесе урынбасары Светлана Ревина барлык гаиләләрне бәйрәм белән котлап үтте һәм Алексей Василий улы һәм Галина Михаил кызы Алексеевлар гаиләсенә “Мәхәббәт һәм тугрылык өчен” медален тапшырды. Бәйрәмдә мәдәният хезмәкәрләре башкаруында матур җырлар яңгырады.