Зәйдә наркотикларга каршы комиссия утырышы узды

Бүген хакимиятнең кече залында район башлыгы урынбасары П.С. Уразайкин катнашында наркотикларга каршы комиссия утырышы узды. Утырышның көн тәртибе буенча 3 мәсьәлә каралды. Мәгълүмат белән Зәй үзәк хастаханәсе балалар психиатр – наркологы Лилия Саримова, Россия Эчке эшләр министрлыгының Зәй районы буенча бүлеге полиция башлыгы урынбасары Эдуард Ефимов, балигъ булмаганнар эшләре буенча комиссиянең җаваплы сәркатибе Виктория Сергеева чыгыш ясады. Утырыш барышында наркотиклар таратучыларны эзләү эшендә җәмәгатьчелек зур ярдәм күрсәтә, дип билгеләп үтелде. Утырышка йомгак ясап, наркотикларга каршы комиссия рәисе урынбасары барлык әгъзаларны һәм катнашучыларны эшне активлаштырырга чакырды. Утырышның көн тәртибендәге барлык мәсьәләләр буенча тиешле карарлар кабул ителде.