«Минем Ватаным-Россия» тарихи - патриотик сәгате узды
Россия Федерациясе гражданнарына патриотик тәрбия бирү системасының эшләвен тәэмин итүгә юнәлдерелгән «Мәгариф» милли проектының «Россия Федерациясе гражданнарына патриотик тәрбия бирү» федераль проекты кысаларында, 4 нче урта гомуми белем бирү мәктәбендә ял итүче балалар белән тәрбия эшен үстерү, патриотик юнәлештәге чаралар үткәрү буенча эш алып барыла. Бүген С.Рафыйков исемендәге Үзәк китапханәдә Россия көненә багышланган «Минем Ватаным-Россия» тарихи - патриотик сәгате узды. Чара барышында китапханәче балалар белән «Ватан» сүзе белән нәрсә аңлаулары турында фикер алыштылар, туган ил турында мәкальләрне һәм әйтемнәрне искә төшерделәр, табышмакларны чиштеләр. Алга таба кызыксынучан балаларны әлеге бәйрәмнең тарихы һәм традицияләре, Россиянең милли символлары — флаг, герб һәм гимн турында хикәя көтте. Балаларга бүгенге россиялеләрнең горурланырлык нәрсәләре: илебезнең көче, төрле өлкәләрдәге иң бөек галимнәре һәм ачышлары, уникаль табигате, һәйкәлләре һәм Россиянең бай табигате турында сөйләделәр. Барлык балаларга да үз Ватаныбызны югары икътисади казанышлары һәм төрле яхшылыклары өчен генә түгел, ә Бөек, матур, бердәнбер һәм ул безнеке булганга яратырга кирәклеге аңлашылды. Балалар "туган илем киң" викторинасы сорауларына актив җавап бирделәр, уеннарда һәм конкурсларда катнаштылар, анда Адилия һәм Родион җиңделәр. Чара ахырында рус шагыйрьләренең мәхәббәт һәм Ватаныбыз турында иң эчкерсез, җылы сүзләре белән язылган шигырь юллары яңгырады. Балалар һәм укытучылар Россия тарихы, аның танылган кешеләре, гореф-гадәтләре һәм мәдәнияте турында кызыклы һәм белемле хикәяләр өчен чын күңелдән рәхмәт белдерделәр.