Зәйдә Сабантуй гүзәленең исеме билгеле булды

2024 елның 8 июне, шимбә

Җиңүче исеме өчен быел 9 финалист көрәште. «Сабантуе гүзәле – 2024» конкурсының суперфиналы 6 июньдә «Энергетик» мәдәният йортында узды, әмма беренче гүзәл затның исеме бүген генә билгеле булды – ул Сәидә Хәйретдинова булды. Икенче урында – Алия Сәфиуллина, өченче урында-Альбина Габидуллина. Калган 6 кыз төрле номинацияләрдә җиңүче дип игълан ителде. Бүләкләү тантанасында узган елгы конкурс җиңүчесе Ләйсән Тимеркаева катнашты. Район башлыгы Разиф Кәримов Сәида Хәйретдиновага «Мисс Сабантуй» таҗын, җиңүче дипломын һәм төп бүләк — диңгезгә 60 мең сумлык юллама тапшырды.