“Үсеш ноктасы" үзәге - авыл мәктәбенең заманча үсеш бренды

Үсеш ноктасы-цифрлы грамоталылыкны, проект эшчәнлеген, балалар һәм педагогларның иҗади һәм социаль үз-үзләрен тормышка ашыруын үстерү өчен иҗтимагый киңлек. Татарстан Республикасы Зәй муниципаль районының Кадер урта гомуми белем бирү мәктәбе цифрлы һәм гуманитар компетенцияләр мәгариф үзәге профиль алды һәм профильле белем бирүне үстерү үзәгенә әверелде. Агроклассның 7-8 сыйныф укучылары «Үсеш ноктасы» үзәге җиһазларын актив кулланалар, теоретик белемнәр һәм гамәли күнекмәләр алалар, үз талантларын үстерәләр, үзләренең иң кыю фантазияләрен һәм ниятләрен тормышка ашыралар. Быел Гыйльфанова Карина «Татарстан фәне һәм яшьләре-киләчәккә адым» фәнни-гамәли конференциясендә призлы урын алды. Анда «Бәрәңгене бөтен килеш, үсентеләрдән, кабыктан һәм орлыктан үстерү» темасына эш тәкъдим итте. Маракин Аркадий «Агророверлар» юнәлеше буенча авыл җирлекләре һәм кече шәһәрләрнең гомуми белем бирү учреждениеләре укучылары арасында «АгроНТРИ-2024» Бөтенроссия конкурсының төбәк этабы лауреаты булды. Мәктәп Казан дәүләт аграр университеты һәм Бауман исемендәге Казан ветеринария академиясе белән тыгыз хезмәттәшлек итә. 2024 елның 5 июнендә югары уку йортлары укытучылары Гөлнара Равзиева һәм Сергей Домолазов, «Агросила» җәмгыятенең социаль үсеш белән идарә итү буенча баш белгече Гүзәл Фассахова Кадер урта мәктәбендә булдылар. Очрашуда Зәй муниципаль районы мәгариф бүлеге башлыгы Эрнст Сәфәргалиев мәктәп эскәмиясеннән авыл хуҗалыгы кадрларын әзерләүнең мөһимлеген билгеләп үтте, авыл мәктәпләрендә укучыларны укыту һәм тәрбияләү өчен булдырылган мөмкинлекләр өчен рәхмәт белдерде. «Мәгариф» милли проекты ярдәмендә барлык укучыларның да сыйфатлы белем алу шартлары тигез.