Зәйдә район Икътисади советы утырышы узды

Бүген хакимият бинасының кече залында район башлыгы Р.Г. Кәримов рәислегендә Зәй муниципаль районының Икътисади советы утырышы узды. «Прогресс» сәнәгать паркының 2023 елдагы эшчәнлеге нәтиҗәләре һәм 2024 елга перспективалы үсеш планнары турында доклад белән «Прогресс» сәнәгать паркы идарәчесе урынбасары Рәхмәтуллин Ленар Радик улы чыгыш ясады. «Прогресс» сәнәгать паркы Зәй районында 4 гектар мәйданда Аксар авыл җирлеге җирләре чикләрендә Зәй-Кама Аланы-Түбән Кама автомобиль юлыннан 800 метр ераклыкта урнашкан. Паркның гамәлдәге мәйданы 2 җир участогыннан тора һәм 10 гектар тәшкил итә. Промпарк яңа продукция, шул исәптән эшкәртелгән калдыклардан җитештерүгә юнәлдерелгән. ПРОГРЕСС сәнәгать паркы составында хәзерге вакытта 3 резидент бар: - Төзелеш калдыкларын рециклинглау буенча эшчәнлек алып баручы "Олимп" ҖЧҖ; - 3-4 класслы калдыкларны эшкәртү һәм утильләштерү буенча «Экопромсервис» ҖЧҖ; - «КамаТрак» ҖЧҖ резиденты 600 м2 мәйданлы сәнәгать паркының арендага алынган бинасында тузган шиннарны торгызу производствосын эшләтеп җибәрергә планлаштыра. Утырыш нәтиҗәләре буенча Икътисади совет әгъзалары фикер алышты. Район башлыгы Разиф Кәримов коллективка алга таба да уңышлар теләде һәм быел яңа резидентлар җәлеп итү буенча тәкъдимнәрен җиткерде.