1 апрельдән Татарстанда санитар-экологик икеайлык башлана
21 нче мартта хакимиятнең зур залында Зәй муниципаль районында язгы санитар-экологик икеайлык үткәрү мәсьәләсе буенча киңәшмә узды, ул 1 апрельдән 31 майга кадәр билгеләнде. Киңәшмәне район Башкарма комитеты җитәкчесе Э.Э. Галиев үткәрде.
Башкарма комитет карары белән эшләрне координацияләү өчен эшче төркем составы һәм төп чаралар планы расланды. Шәһәр һәм район предприятиеләренә, оешмаларына һәм учреждениеләренә билгеле бер зоналарга ярашлы рәвештә янәшәдәге һәм беркетелгән территорияләрне җыештыруда катнашырга тәкъдим ителә. Икеайлык кысаларында һәр чәршәмбе һәм җомга санитар көннәр дип билгеләнде, эшне кар чәчү эшеннән башларга киңәш ителә.
22 апрель район территорияләрен санитар чистарту көне дип игълан ителде. Зәйлеләрне санитар-экологик икеайлыкта актив катнашырга чакырабыз!