Зәйдә халык белән очрашулар уза

Зәй районында авыл җирлекләре һәм шәһәр микрорайоннары халкы белән традицион очрашулар уза, аларда узган елга нәтиҗәләр ясала һәм агымдагы елга планнар билгеләнә. Халык белән очрашуларда район җитәкчелеге, шулай ук тормыш белән тәэмин итү хезмәтләре җитәкчеләре катнаша. Беренче очрашулар 17 гыйнварда Аксар һәм Югары Шепкә авыл җирлекләрендә район башлыгы урынбасары Петр Сергеевич Уразайкин катнашында узды. 18 гыйнварда 6 нчы мәктәптә «Яңа шәһәр» микрорайоны халкы белән очрашу булды, анда район башлыгы Разиф Галиевич Кәримов, хокук саклау органнары, предприятие, оешма, торак-коммуналь хуҗалыгы өлкәсе җитәкчеләре катнашты. Чыгыш ясаучылар үз мәгълүматларында узган елда башкарылган эшләрнең сизелерлек нәтиҗәле булуын билгеләп үттеләр, агымдагы елга куелган планнар ассызыкланды. Очрашу башланганчы халыкны кызыксындырган сорауларга җавап алу мөмкинлеге дә булды.