Зәйдә «СМП-Нефтегаз» компаниясенең 30 еллыгын билгеләп үттеләр

Бүген "Энергетик" мәдәният йортында муниципаль район башлыгы Р.Г. Кәримов, «СМП-Нефтегаз" АҖ генераль директоры Р.Р. Зөбәеров, Әлмәт шәһәр Советы депутаты, төзелеп килүче "СМП-Нефтегаз" АҖ автомагистрале директоры Р.Ф. Комаров, җитештерү ветераннары, "СМП-Нефтегаз" АҖ бүлекчәләре җитәкчеләре һәм хезмәткәрләре катнашында "СМП - Нефтегаз " ААҖнең 30 еллыгына багышланган тантаналы чара узды. Предприятие хезмәткәрләрен һәм ветераннарын район башлыгы Разиф Кәримов котлады. Үзенең чыгышында Разиф Галиевич компаниянең бөтен республиканың, шул исәптән Зәй муниципаль районының социаль-икътисади үсешенә зур өлеш кертүен билгеләп үтте. Шулай ук ул компания коллективының югары социаль җаваплылыгын билгеләде һәм барлык зәйлеләр исеменнән мәгариф, мәдәният, әйләнә-тирә мохитне саклау, физкультура һәм спорт үсеше, юллар төзү һәм ремонтлау өлкәсендә социаль проектларны гамәлгә ашыруда ярдәм күрсәткәннәре өчен рәхмәт белдерде. Разиф Кәримов «Нефтегаз» СМП предприятиесенең иң яхшы хезмәткәрләрен бүләкләү тантанасын үткәрде. «СМП» компанияләр төркеменең беренче предприятиесе төзелүгә 30 ел тулу уңаеннан Зәй муниципаль районы башлыгының Рәхмәт хаты белән Рәүф Зөбәеров бүләкләнде. Акционерлык җәмгыятен үстерүгә зур өлеш кертүе, күпьеллык намуслы хезмәте, производство биремнәрен үрнәк үтәүләре өчен һәм «СМП» компанияләр төркеменең беренче предприятиесе төзелүгә 30 ел тулу уңаеннан 12 кеше Зәй муниципаль районы башлыгының Мактау грамотасы белән, 28 хезмәткәр Зәй муниципаль районы башлыгының Рәхмәт хаты белән бүләкләнделәр. Предприятие коллективына котлау сүзләре белән мөрәҗәгать иткәннән соң, «СМП-Нефтегаз» АҖ генераль директоры Рәүф Зөбәеров ведомство бүләкләрен тапшырды.