Тематик мәйданчыклар Зәй халкына сугыш еллары турында сөйләде
Бүген митингта катнашучылар өчен мәдәният һәм мәгариф хезмәткәрләре көче белән төрле мәйданчыклар буйлап бәйрәм маршруты оештырылды. Хәрби техника мәйданчыгында кунаклар өчен шәһәр балалар бакчаларында тәрбияләнүчеләр "Без хәтерлибез! Без горурланабыз" дип аталган әдәби чара әзерләделәр.
Аны "Чемодандагы музей" мәйданчыгы алмаштырды. Бу чемоданга тутырылган мобиль, интерактив күргәзмә, фотосурәтләр, газеталар, значоклар, хатлар - Бөек Ватан сугышы вакытында Кызыл Армиянең һәр солдатында диярлек булган армия әйберләре тәкъдим итте. Һәрбер әйбер — безнең солдатның батырлык истәлеге! Монда зәйлеләр һәм кунаклар совет солдатының Бөек батырлыгында чагылган тере тарихны күрә алдылар.
"Солдат привалы" инстоляциясе Бөек Ватан сугышы елларында солдатларның батырлыклары турында тагын бер кат искә төшерерде. Солдат привалы озак сугышлардан соң шәхси составның ял итүе, ашау һәм өйгә хат язу өчен кыска вакытлы тукталыш булды. Солдатлар өйләренә хат яздылар, кулларына гармонь алдылар. Музыка күңелне җылытты һәм иң авыр мизгелләрдә рухны күтәрде.
Бөек Ватан сугышы лозунглары эле-электән солдатларның сугышчан рухын күтәрүче һәм тылны мобилизацияләүче көчле пропаганда коралы булган. Төп чакырулар: "Барысы да фронт өчен! Барысы да җиңү өчен!", "Ватан-Ана чакыра! ", "Бер адым да артка чигенмәскә!", "Безнең эш хаклы!", "Немец оккупантларына үлем!» дип яңгыраган. Алар дошманга нәфрәт һәм Ватанга мәхәббәт формалаштырганнар, халкыбызны көрәшкә рухландырдылар.
Геральдика мәйданчыгында теләүчеләр Россиянең, Татарстан Республикасының һәм Зәйнең төп геральдика элементлары белән таныша алдылар. Бу элементлар илебезнең батырлыгын, байлыгын һәм бай тарихын гәүдәләндерә.
«Боевая слава» музее күргәзмәсендә яшь сугышчы мәктәбендә катнашырга, брелоклар ясау буенча мастер - классларда катнашырга һәм СВО катнашучыларына хат язарга мөмкин булды. Бөек Ватан сугышы турындагы картиналар күргәзмәсе дә катнашучыларны битараф калдырмады.
"Энергетик" мәдәният йорты каршындагы мәйданда белем бирү оешмаларын тәмамлаучылар башкаруында танылган "Зәңгәр яулык" җырына Җиңү вальсы бәйрәм чараларының дәвамы булды. «В сердцах поколений – Великая победа» театральләштерелгән тамашасы зәйлеләргә тагын бер тапкыр дөньяның тынгысыз , ә сугышның һәрвакыт олы фаҗига булуын искә төшерде. Программада шулай ук «Энергетик» мәдәният йорты балалар иҗат коллективларының концерт программасы, хәрби фильмнар күрсәтү, Татьяна Давыдова һәм мәдәният йорты, Ясмин, Владимир Васильев иҗат төркемнәре, «Шум - гам» кавер-төркеме чыгышы бар иде. Бәйрәм «Җиңү көне» җыры белән тәмамланачак.