Зәйдә район Башкарма комитеты җитәкчесен сайладылар

Бүген Зәйдә район башлыгы Р.Г. Кәримов рәислегендә дүртенче чакырылыш Зәй муниципаль районы Советының бишенче утырышы узды. Көн тәртибе буенча иң беренче булып Зәй муниципаль районы Башкарма комитеты җитәкчесе вазыйфасын биләүгә конкурс нәтиҗәләре турында мәсьәлә каралды. Әлеге мәсьәлә буенча депутатлар алдында конкурс комиссиясе рәисе, Мәдәни мирас объектларын саклау буенча Татарстан Республикасы Комитеты рәисе Гущин Иван Николаевич чыгыш ясады, ул аларны конкурста катнашкан кандидатлар белән таныштырды. Район Башкарма комитеты җитәкчесе вазыйфасына ачык 100% тавыш бирү юлы белән моңарчы Ф.П. Симашев исемендәге олимпия резервы спорт мәктәбе директоры булып эшләгән Галиев Эмиль Эдуард улы сайланды. Депутатлар каравына шулай ук түбәндәге мәсьәләләр дә тәкъдим ителде: Татарстан Республикасы Зәй муниципаль районының 2021 елга һәм 2022, 2023 елларның планлы чорына социаль-икътисадый үсеше фаразы турында, 2021 елга һәм 2022, 2023 еллар план чорына Татарстан Республикасы Зәй муниципаль районы бюджеты турында, Зәй муниципаль районы Советының «2021 елга һәм 2022, 2023 еллар план чорына Татарстан Республикасы Зәй муниципаль районы бюджеты турында»гы Карары проектына бәяләмә. Район Советы утырышы эшендә мәртәбәле кунаклар: ТР Дәүләт Советы депутаты Нефедов Николай Валерьевич, Татарстан Республикасы Президентының Территорияләр белән эшләү Идарәсе баш киңәшчесе Нуриев Фәнис Галиәхмәт улы, Татарстан Республикасы Дәүләт Советы Аппаратының Оештыру идарәсе башлыгы Идиатуллин Артур Ревович, «Сетевая компания» АҖ генераль директорының корпоратив сәясәт буенча урынбасары Лукин Вадим Анатольевич катнашты.