Зәйдә сугыш һәм хезмәт ветеранын котладылар

19 ноябрь көнне сугыш һәм хезмәт ветераны Фирсов Михаил Антонович үзенең туган көнен билгеләп үтте. «Форпост» МБУ һәм яшьләр эшләре идарәсе белгечләре район башлыгы Разиф Гали улы Кәримов, Зәй хәрби комиссариаты, Әфганстан, Чечня һәм башка локаль сугышларда катнашкан ветераннар исеменнән Михаил Антоновичны 94 яшьлек юбилее белән котладылар. Аның исеменә иң җылы теләкләр яңгырады, истәлекле бүләкләр тапшырылды. Квантун армиясенә каршы хәрби хәрәкәтләрдә катнашкан Михаил Антоновичның 2нче дәрәҗә Ватан сугышы ордены, "Японияне җиңгән өчен" медальләре бар. Ул кунакларга ихлас күңелдән рәхмәтен белдерде, барысына да сугышларсыз һәм фаҗигаләрсез тыныч күк йөзе теләде.