Зәй мәктәпләре укучылары өчен һөнәри сынаулар уза

Яшьләргә һөнәри юнәлеш табуда ярдәм итү максатыннан Зәй политехник көллиятендә Зәй шәһәре мәктәпләренең 9 нчы сыйныф укучылары өчен һөнәри пробалар уза. Әлеге чарада Зәй шәһәре халык мәшгульлеге үзәге белгечләре дә катнаша, балалар белән “Күңеленә хуш килгән һөнәр-бу чынбарлык” дип исемләнгән темага һөнәри юнәлеш бирүче әңгәмәләр алып барыла, һөнәри юнәлеш бирү буенча тестлар уздырыла. Һөнәри сынаулар җиде юнәлеш буенча оештырыла: энергетика, авыл хуҗалыгы машиналары, эретеп ябыштыру производствосы, җәмәгать туклануы, машина төзелеше, коммерция һәм компьютер системалары һәм комплекслары. Әлеге чаралар гыйнвар ахырына кадәр дәвам итәчәк.