Зәйдә “Табигать гүзәллеге - чәчәкләрдә” дип аталган чара узды

19 июньдә С.Рәфыйков исемендәге Үзәк китапханәдә бөтен дөньяда билгеләп үтелә торган чәчәкләр көненә багышланган “Табигать гүзәллеге - чәчәкләрдә” дип аталган чара узды. Бәйрәмдә Р.Ш.Фәрдиев исемендәге татар гимназиясенең мәктәп яны лагерена йөрүче сабыйлар катнашты. Чараның максаты- балаларга тормышның һәм табигатьнең матурлыгын, кыйммәтен аңлату һәм көн дәвамына җитәрлек елмаю һәм яхшы кәеф бүләк итү. Бәйрәмдә чәчәкләргә багышланган биремнәр, викторина оештырылды һәм театральләштерелгән тамаша күрсәтелде. Л.П. Семерякова башкаруындагы җырлар һәркемнең күңеленә хуш килде.