Зәйдә сугыш ветераннарын район башлыгы котлый

Зәй районы башлыгы Разиф Кәримов Бөек Ватан сугышында катнашкан ветераннар өендә булып, аларны Җиңү көне белән котлый, Җиңүгә керткән өлешләре өчен рәхмәт сүзләре җиткерә. Бүген Разиф Галиевич сугыш ветераннары Мирсалих Янгиров һәм Валентина Лыкованы котлап, шәхсән үз исеменнән котлау открыткасы һәм бүләк, РФ Дәүләт Думасы депутаты Айрат Хәйруллин, “МНКТ” җаваплылыгы чикләнгән ширкәте директоры Тимур Шәймиевнең Җиңү бәйрәме бүләкләрен тапшырды. Ветераннарны Ринат Фәрдиев исемендәге татар гимназиясе һәм шәһәребезнең 6нчы мәктәбе укучылары исә матур чыгышлары белән сөендерде.