Зәйдә Ринат Фәрдиев истәлегенә Бөтенроссия көрәш турниры ачылды

Бүген Зәйнең “Яшьлек” боз сараенда элекке район башлыгы Ринат Фәрдиев истәлегенә көрәш буенча Бөтенроссия турниры ачылды. Ачылу тантанасында район башлыгы Разиф Кәримов, ТР спорт министрының беренче урынбасары Хәлил Шәйхетдинов, Россия көрәш федерациясенең вице - президенты Равил Ногманов, ТР көрәш федерациясе башкарма директоры Равил Хәйруллин һәм башка мәртәбәле кунаклар катнашты һәм катнашучыларны сәламләү сүзләре белән чыктылар. Бил алышырга Карачай-Черкесия, Киров, Башкортстан, Татарстан, Удмуртия, Мари Эл, Мордовия, Самара, Ульян, Яраслау, Ханты-Мансийск автономияле, Ямал милли округыннан 180 гә якын көрәшче җыелды.