Зәйдә Пенсия фонды хезмәткәрләренең хисап җыелышы

Бүген Зәй Пенсия фонды хезмәткәрләре 2017 нче елгы эшчәнлекләре буенча хисап тотты. Ел нәтиҗәләренә багышланган киңәшмәдә район башлыгы Разиф Кәримов, Россия Пенсия фонды Татарстан Республикасы идарәсенең социаль түләүләр бүлеге башлыгы Гөлсинә Сабирова һәм башка вазифаи затлар катнашты. Пенсия фонды тарафыннан узган ел 16 меңнән артык зәйлегә пенсия, пособие һәм башка социаль түләүләр башкарылган. Фонд хезмәткәрләре районның социаль- иктисадый үсеше белән дә таныштылар, 2018 нче елга төп эш юнәлешләрен дә билгеләделәр. Киңәшмә хезмәт алдынгыларын бүләкләү белән тәмамланды.