Чөгендер алабыз, чәчәбез

Район басуларында көзге эшләр дәвам итә. Төп культура - шикәр чөгендере алуны агрофирмаларның өчесе дә алып бара. 8 сентябрьгә алынган мәгълүматлардан күренгәнчә, чөгендер барлыгы 1165 гектарда алынды, 29125 тонна татлы тамыр казылды. "Зәй" агрофирмасында бу эш - 268, "Восток"та - 241, "Зәй шикәре"ндә 175 гектарда башкарылды. Әлегә иң югары уңыш - гектарыннан уртача 355 центнер - "Зәй шикәре" агрофирмасында, "Зәй"дә ул - 307, "Восток"та 278 центнер тәшкил итә.
Шикәр заводы эшкәртүгә 32408 тонна чимал кабул итте. Бирегә чөгендер Зәй, Сарман һәм Чирмешән районнарыннан ташыла. Чималның 17273 тоннасы - районнар басуларында үскән уңыш. Чөгендернең шикәрлелеге дә яхшы -15,60 процент. Завод белгечләре әйтүенчә, "Зәй шикәре" агрофирмасында ул аеруча әйбәт - 16,20 процент.
Киләсе ел уңышы өчен 14200 гектарда көзге чәчү үткәрелде. Уҗым культуралары 12100 гектарда чәчелде, шуның 7600 гектары - көзге бодай, 300 гектары - арыш, 1500 гектары - третикале.
Бер үк вакытта туфракны төп эшкәртү дә алып барыла. Бу эш 29300 гектарда башкарылды.
Хуҗалыкларда кукурузны силоска салу эше дә дәвам итә.