«Макулатура тапшырыгыз, агачларны коткарыгыз!»

2026 елның 20 мае, чәршәмбе

“Салават күпере” балалар бакчасында «Макулатура тапшырыгыз — агачларны коткарыгыз!» дигән акция үтте. Барлык яшь төркемендәге тәрбияләнүчеләр әти – әниләре белән акциягә кушылдылар! Бу экологик акция алга таба эшкәртү өчен кәгазь калдыкларын җыюга юнәлдерелгән. Ул урманнарны саклап калырга, чүп-чар күләмен киметергә һәм калдыкларны аерым җыю культурасын үстерергә ярдәм итә.

Акциядә тугыз төркемдә тәрбияләнүче балалар катнашты, барысы 210 килограмм макулатура җыелды!