ЯҢАЛЫКЛАР

Бүген Зәй районына Рәсәй Федерациясе Дәүләт Думасы Федераль Собраниясе Дәүләт Думасы депутаты О.И.Павлова үзенең эш визиты белән килде. Ул башкарма комитет җитәкчесенең социаль мәсьәләләр буенча урынбасары А.В.Чапков белән социаль-реабилитация бүлегендә булды.“Бердәм Рәсәй” партиясенең җирле бүлеге активистлары белән очрашуда катнашты. “Бердәм Рәсәй” партиясенең җирле бүлеге кабул итү бүлмәсендә гражданннарны кабул итте. Депутат “Ялта-Зәй” спорт комплексында Рәсәйнең Идел буе федераль округы беренчелегенә чаңгы ярышларын карады һәм ярышта җиңүчеләрне бүләкләү тантанасында катнашты.

1 нче февральдә шәһәребезнең Иске Зәй бистәсенең мәдәният йортында халык җыены үтте. Җыенны район башлыгы Р.Г.Кәримов ачты. Шәһәребезнең 2016 елга социаль-икътисади үсеш нәтиҗәләре һәм 2017 елга куелган бурычлары белән шәһәр башкарма комитет җитәкчесе С.В.Максимов таныштырды.Чарада район һәм социаль, торак-коммуналь хуҗалыгы хезмәтләре җитәкчеләре катнашты. Җыенда Зәй шәһәре прокуроры Р.Р.Кәримов, өлкән участок полиция хезмәткәре Комаровларның чыгышы тыңланды. Җыенга йомгакны район башлыгы Р.Г.Кәримов ясады.

Бүген Яңа Спасс һәм Александр Бистәсе авыл җирлекләрендә халык җыеннары үтте. Районыбызның 2016 елга социаль-икътисади үсеш нәтиҗәләре һәм 2017 елга куелган бурычлары белән район башлыгы урынбасары В.Г.Акатьев таныштырды. Ел дәвамында башкарылган эшләрнең торышы һәм алдагы елга планнаштырылган эшләр хакында авыл җирлекләре башлыклары сөйләде. Җыен барышында авыл халкын республиканың авыл хуҗалыгы өлкәсендәге программаларында катнашуда активлыгын арттыру һәм кече хуҗалыкларны тагын да үстерү мөһимлеге турында район баш ветеринары Фоат Исламов чыгыш ясады. Җыенга йомгакны район башлыгы урынбасары Валерий Акатьев ясады.

Үткән гыйнвар аенда Зәй шәһәренең ЗАГС бүлегендә 29 сабый теркәлде: 18 малай һәм 11 кыз. Иң кечкенә бала 1050, ә иң зуры – 4200 грамм. Иң яшь анага – 18, иң өлкән анага 41 яшь. Гыйнвар аенда иң популяр исемнәр Виктория, Никита. Сирәк очрый торган исемнәр Тамерлан, Җәлил.

Бүген утырышлар залында Россия Федерациясе Дәүләт Думасы депутаты АП.Н.Хәйруллинның ярдәмчесе Е.Н.Серебрякова гражданнарны кабул итте. Депутат ярдәмчесенә шәхси сораулары белән 8 зәйле мөрәҗәгать итте. Барлык бирелгән сораулар һәм тәкъдимнәр контрольгә алынды. Гражданнарны кабул итү депутатлар тарафыннан даими рәвештә алып барыла.

Кичә кич, «Ялта-Зәй» спорт комплексында, муниципаль район башлыгы Р.Г.Кәримов, Рәсәйнең Идел буе федераль округы беренчелегенә чаңгы ярышларын ачу тантанасында катнашты. «Ялта-Зәй» спорт комплексына өлкә һәм республикалардан 14 команда җыелды. Бүген исә ярышларның беренче көне башланды. Кыз балалар ирекле стильдә 5 чакрым, яшүсмерләр 10 чакрым арага ярыштылар. Ярышта җиңүчеләрне бүләкләүдә район башлыгы урынбасары В.Г.Акатьев катнашты.

Бүген район башлыгы Р. Г. Кәримов «Космос» Яшьләр үзәген капиталь төзекләндерү буенча киңәшмә уздырды. Р.Г.Кәримов башкарылган эшләрнең сыйфатына уңай бәя биреп, төзүчеләргә эш темпларын бүгенге көндәгечә дәвам итәргә кушты. Район башлыгы, физик мөмкинлекләре чикле булган гражданнар өчен үзәктә тудырылган шартларның катгый таләп һәм нормаларга туры килергә тиешлеге хакында тагын бер кат искәртте.Шул ук көнне Р.Г.Кәримов “Энергетик” мәдәният йортын төзекләндерү буенча да киңәшмә үткәрде.

2016 елның декабр аенда энергия саклау һәм энергия нәтиҗәлелеге буенча чаралар кысаларында 7 елга энергия сервис контракты төзелде. Бүгенге көндә әлеге контракт буенча урам яктырткычларын светодиодлыларга алыштыру бара. Шул рәвешле урамнарда барлыгы 2552 яктырткыч алыштырылачак. Моннан тыш, әлеге контракт буенча яктылык белән автомат идарә итү системасы урнаштырылачак.

31 нче гыйнварда Казанның «Корстон» комплексында Татарстан кеше хокуклары буенча вәкаләтле карамагындагы эксперт советының киңәйтелгән утырышы булды. Утырышта Татарстан Республикасы Премьер –министры И.Ш.Халиков катнашты. Татарстан Республикасында кеше хокуклары буенча вәкаләтле С.Х.Сабурская 2016 елда республикада кеше һәм граждан хокукларын һәм иреген үтәүгә нәтиҗә ясады. Утырышта Зәй муниципаль  районы башкарма комитеты җитәкчесе И.Ф.Хафизов катнашты. Район ветераннар Советы рәисе М.С.Хүҗин чыгыш ясады, үзенең эш тәҗрибәсе белән уртаклашты.

Газлаштыру фонды республика программасы буенча Кадер авыл җирлегендә узган яз Степная һәм Лесная урамнарындагы йортларны газлаштыру башланган иде. Әлеге урамнарда урнашкан 10га якын йортка бу кышта газ үткәрелеп, биредә яшәүчеләр зәңгәр ягулыклы булды. Җирлектә газ кертүне «Татстроймонтаж» подряд оешмасы башкарды. Газлаштыруга 2 миллион 800 мең сум акча җәлеп ителгән. Хәзерге вакытта Зәй шәһәренең 4нче микрорайонындагы яңа төзелешләрдә дә газлаштыру эше бара. Биредә газлаштыру 3 миллион 500 мең сумга төшә, әлеге сумма җирле бюджеттан бүлеп бирелде. Шул рәвешле Ольховая, Мирас, Девятаев урамнарына газ төзелеш эшләре беткәч, ел ахырында бирелер дип көтелә.