ЯҢАЛЫКЛАР

Бүген хакимиятнең зур залында Зәй шәһәре урынбасары Е.В.Недошивина катнашуында Зәй шәһәренең социаль политика, мәгариф, сәламәтлек һәм мәдәният мәсьәләләре буенча даими комиссиясе утырышы булды. Көн тәртибе буенча 6 мәсьәлә каралды. Утырышта Туган якны саклау музее директоры Р.М.Иванова, район үзәк дәваханәсенең балалар табибы Г.М.Абрамов, физкультура һәм спорт идарәсе башлыгы вазыйфаларын башкаручы В.А.Смиронов, ЗАГС бүлеге башлыгы Г.И.Вәлишина, мәгариф бүлеге башлыгы С.А.Кузнецов һәм халыкны эш белән тәэмин итү үзәге директоры Е.В.Андрееваларның чыгышы тыңланды.

Бүген хакимияттә Зәй муниципаль районы Яшьләр иҗтимагый палатасының утырышы булды. Утырышта район башлыгы вазыйфаларын башкаручы В.Г.Акатьев, район Советы аппарат җитәкчесе Н.Л.Шакирова, депутатлар-даими комиссия әгъзалары катнашты. Анда Яшьләр иҗтимагый палатасының составы яңартылды, палата рәисе итеп кабаттан Р.С Аладышкин, аның урынбасары итеп Н.А.Алчина һәм сәркатибе итеп А.А.Обуховалар сайланды. Алдагы утырышта Яшьләр иҗтимагый палатасының составы расланган иде инде. Ул 9 кешедән тора. Алар арасында тагын предприятие, оешма җитәкчеләре, депутатлар һәм иҗтимагый оешма вәкилләре дә бар.

26 мартта 15-19 сәгатьтә кадәр хокук саклау органнары хезмәткәрләренең хокук бозу гамәлләре һәм сыйфатсыз медицина ярдәме күрсәтүгә кагылышлы мәсьәләләре буенча гражданнарны кабул итү булачак. Кабул итүне Россия Тикшерү комитетының Татарстан Республикасы буенча Зәй районара тикшерү бүлеге тикшерү идарәсе җитәкчесе Исмәгыйлов Р.Х. алып бара.Кабул итү: Зәй шәһәре, Казанская урамы, 8 нче йортта булачак. Кабул итүгә 8(85558)7-18-65 телефоны буенча язылырга мөмкин.

Бүген хакимиятнең кече залында район башлыгы вазыйфаларын башкаручы В.Г.Акатьев Зәй шәһәре башлыгы урынбасары Е.В.Недошивина катнашуында Зәй муниципаль районы Советының балалар һәм яшьләр эше, аларны яклау һәм яшьләр политикасына кагылышлы мәсьәләләр буенча Зәй районы Советы һәм Зәй шәһәре даими комиссияләренең берләштерелгән утырышы узды. Анда гражданнарны армияга әзерләү, 9 нчы физик мөмкинлекләре чикләнгән мәктәпнең эшчәнлеге һәм анда укуган балаларны эшкә урнаштыру, Зәй муниципаль районы каршында эшләп килүче Иҗтимагый яшьләр палатасының составын раслау һәм башка мәсьәләләр каралды. Утырышның көн тәртибе буенча хәрби комиссар А.Ф.Әгъләмҗанов, балалар һәм яшләр эше идарәсе башлыгы Л.Г.Федотова, 9 нчы мәктәпнең директор урынбасары И.В.Задавина һәм даими комиссия рәисе, Александр Бистәсе җирлеге башлыгы Л.Г.Варгановалар чыгышы тыңланды.

Бүген Сәвәләй авылында яшәүче хезмәт ветаны Ишмянова Елизавета Егоровна үзенең 90 яшьлек юбилеен билгеләп үтте. Ул гомере буе туган җирендә, үзе туган колхозда тырышып хезмәт куйган. Аны бүген район Советы ветераннар рәисе Н.И.Шипков һәм мәдәният бүлеге артисталары котлады. Ветеранга Россия Президентының котлау открыткасы һәм район башлыгы Р.Г. Кәримов исеменнән истәлекле бүләк тапшырылды.

Бүген Зәйнең “Энергетик” Мәдәният сарае каршындагы мәйданда Нәүрүз бәйрәме үтә. Бу сүзнең мәгънәсе фарсыча яңа көн дигәнне аңлата. Нәүрүз көн белән төн тигезләшкән чорга - 21-22 мартка туры килә. Идел буе татарлары Нәүрүзне яз башланып, чәчүгә чыгар алдыннан бәйрәм иткән. Бүген бәйрәмдә көнкүреш-хуҗалык товарлары һәм азык- төлек белән сату итү булачак,  кайнар чәй һәм коймак әзерләнәчәк. Сәхнәдә район мәдәният бүлеге артистларының чыгышын, театральләшкән күренешләрне карау мөмкин булачак. “Нәүрүз чибәре” конкурсын үткәрү, балалар һәм өлкәннәр өчен төрле уеннар оештырылачак. Бәйрәмгә рәхим итегез!

Бүген 24 мартта хакимиятнең кече залында Татарстан Республикасы Премьер-министры Алексей Песошин җитәкчелегендә видеоконференция режимында республика киңәшмәсе үтте. Киңәшмәдә торак төзелеше республика программаларын тормышка ашыру һәм социаль объектларны төзү, инженер инфраструктурасы системаларын үзгәртеп кору һәм аларның нәтиҗәле эшләвенә ирешү, Татарстан Республикасы авыл хуҗалыгы комплексына кагылышлы мәсьәләләр каралды. Видеоконференциядә муниципаль район башлыгы урынбасары В.Г.Акатьев, район Башкарма комитет җитәкчесе И.Ф.Хафизов, предприятие, оешма җитәкчеләре, җаваплы хезмәткәрләр катнашты. Башкарма комитет җитәкчесе Илнар Хафизов районда узган атнада эшләнгән эшләргә нәтиҗә ясады һәм алдагы көнгә куелган бурычлар белән таныштырды.

Бүген “Энергетиклар” мәдәният йортында район мәдәният хезмәткәрләренең һәнәри бәйрәмнәренә багышланган тантаналы кичә узды. Чарада Зәй муниципаль районы башлыгы урынбасары В. Г. Акатьев, район Башкарма комитеты җитәкчесе И.Ф.Хафизов, аның урынбасары А.В. Чапков катнашты. Бу бәйрәм Россия бәйрәмнәре арасында очраклы түгел. Иҗат кешеләренең бу көнне бердәм рәвештә билгеләп үтүләре районда күркәм гадәткә әверелде. Бүген узган әлеге чарага мәдәният йортлары, клублар, китапханәләр, музыка мәктәбе, туган як тарихын өйрәнү музее хезмәткәрләре һәм мәдәният өлкәсендә төрле елларда хезмәт куйган ветераннар чакырылган иде. Тантанада катнашучыларны һөнәри бәйрәмнәре белән район башлыгы Разиф Кәримов исеменнән, район башкарма комитеты җитәкчесе Илнар Хафизов тәбрик итте. -Мәдәният тармагында хезмәт күпкырлы һәм катлаулы. Шәһәр-районда узучы бер генә чара да сездән башка үтми. Тырыш хезмәтегез өчен без сезгә рәхмәтле, - диде ул чыгышында. Озак еллар намуслы хезмәтләре өчен бер төркем мәдәният хезмәткәрләре район башлыгы грантына ия булдылар, ТР Мәдәният министрлыгы, район башлыгы, район башкарма комитеты һәм мәдәният идарәсе Рәхмәт хатлары һәм Мактау кәгазьләре белән бүләкләнделәр. Бәйрәмне Казан һәм Яр Чаллы шәһәрләренең танылган иҗат коллективлары һәм аерым башкаручылар чыгышлары бизәде.

Район хуҗалыкларында авыл хуҗалыгы техникасын язгы чәчү эшләренә әзерләү дәвам итә. Шушы көннәрдә район инженерлык хезмәте һәм дәүләт техник күзәтчелеге инспекциясенең махсус комиссиясе, “Восток” һәм “Зәй шикәре” агрофирмаларында булып язгы-кыр эшләрендә катнашачак барлык төр техниканың төзеклеген тикшерде. Тикшерү вакытында идарә итү, техниканы туктату системасы, тавыш һәм яктылык сигнализацияләренең һәм шин торышы, тракторчының техника йөртү таныклыгы тикшерелде. Бүлекчә һәм агрофирмалар җитәкчеләре һәм механизаторлары бу тикшерүләргә ныклап әзерләнгәннәр. Техникаларга янгын сүндерү корылмасы, беренче ярдәм күрсәтү сумкасы урнаштырылган, эшчеләргә махсус эш киеме бирелгән.

22 мартта Татарстан Республикасы Мәгариф һәм фән министрлыгы аттестация комиссиясенең эксперт комиссиясе утырышы узды. Анда комиссия членнары, 1 нче квалификациягә аттестация үтүче педагогик хезмәткәрләр, методик эш буенча директор урынбасарлары, мәктәпкәчә балалар учрежденияләре өлкән тәрбиячеләре катнашты. Аттестация үткән 18 хезмәткәрнең барысыда үз вазыйфаларында 1 нче квалификациягә ия булдылар.