Бүген хакимияттә Зәй муниципаль районы Яшьләр иҗтимагый палатасының утырышы үтте

Бүген хакимияттә Зәй муниципаль районы Яшьләр иҗтимагый палатасының утырышы булды. Утырышта район башлыгы вазыйфаларын башкаручы В.Г.Акатьев, район Советы аппарат җитәкчесе Н.Л.Шакирова, депутатлар-даими комиссия әгъзалары катнашты. Анда Яшьләр иҗтимагый палатасының составы яңартылды, палата рәисе итеп кабаттан Р.С Аладышкин, аның урынбасары итеп Н.А.Алчина һәм сәркатибе итеп А.А.Обуховалар сайланды. Алдагы утырышта Яшьләр иҗтимагый палатасының составы расланган иде инде. Ул 9 кешедән тора. Алар арасында тагын предприятие, оешма җитәкчеләре, депутатлар һәм иҗтимагый оешма вәкилләре дә бар.