ЯҢАЛЫКЛАР

7 гыйнварь көнне Раштуа бәйрәме уңаеннан Зәйдә күп төрле чаралар оештырыла. Шуларның иң үзенчәлеклеләренең берсе һәр ел саен "Пирамида" кафесында аз керемле, авыр тормыш хәлендәге гаиләләрдә тәрбияләнүче балалар өчен үткәрелүче тетрлаштырылган Раштуа бәйрәме. Эшмәкәр Хәйруллин мондый бәйрәмне ел да үз хисабыннан оештырып балаларның күңелен күтәрә.

Раштуа - христиан динен тотучыларның зур бәйрәме. Ул чиркәү тарафыннан IV гасырдан билгеләп үтелә. Әлеге көн, табигатьнең Кояш торгынлыгыннан чыгып, елның җәйгә таба авышуына туры килә. Раштуа алдыннан кешеләр алты атна буе итле, сөтле, йомыркалы ризыклар ашаудан тыелып тора, ягъни ураза тота. Раштуа көне тугач, өйгә итле ризык исе чыга башлый. Кунакка йөрешүләр, кич утырулар, аулак өй ясаулар, нардуганнар, йөзек салышлар һәм башка төрле уеннар, күңел ачулар башлана.

3 январьда Зәйдә эшлекле сәфәр белән епископ Мефодий булып Крестовоздвиженский чиркәүендә дини бәйрәм алды литургиясе алып барды һәм якшәмбе мәктәбе ачуда катнашты

Хөрмәтле православие динен тотучылар! Сезне чын күңелдән Раштуа бәйрәме белән котлыйм. Раштуа бәйрәме күп гасырлар буена миллионлаган кешенең йортына зур шатлык китерә, сүнмәс ышаныч яктылыгы бүләк итә, йөрәкләргә мәхәббәт иңдерә һәм изгелеккә чакыра. Ул шәфкатьлелеккә өнди, киләчәккә ышанычны ныгыта

Зәйнең «Энергетик» мәдәният сараенда бүген ислам дине кануннары буенча Мәүлид кичәсе билгеләп үтелде. Район хакимияте тарафыннан оештырылучы әлеге чарада теләге булган һәркем катнаша алды. Анда Мәүлид бәйрәме уңаеннан аш уздырып дога кылу белән беррәттән, мөнәҗәтләр башкару, курай моңын тыңлау да мөмкин булды

Зәйнең 7нче мәктәбендә "Күңелле стратлар" буенча мәктәп укучылары Бөтенроссия Спартакиадасының төбәк этабы оештырылды. Биредә Алабуга, Мамадыш, Сарман, Чаллы, Тукай, Әгерҗе, Актаныш, Минзәлә, Зәйдән ярышларның муниципаль өлешендә җиңү яулаган командалар катнашты. -Бөтенроссия Спартакиадасы кысаларында әле "Күңелле Стратлар" ярышлары республикада беренче мәртәбә оештырыла. Зәйдә үтүче төбәк ярышында 5-6 сыйныф укучыларыннан торган ун кешелек командалар 8 төрле ярышларда көч сынашты. Зәй данын муниципаль турда беренче урын алган 4нче мәктәп командасы яклады.Ярышларны Зәй Башкарма комитеты җитәкчесе Илнар Хафизов һәм республика мәгариф һәм фән министрлыгының әйдәп баручы киңәшчесе Жанна Соркина ачып җибәрде.

Зәй районы башлыгының аппарат җитәкчесе Н.Л.Шакирова Зәйдә яшәүче хезмәт ветераны Трофимова Анастасия Йосифовнаны 95 яшьлек юбилее белән котлады. Чарада ветераннар Советы рәисе Г.С.Хәлиуллин һәм автоклуб хезмәткәрләре катнашты.

Зәй районы башлыгының аппарат җитәкчесе Н.Л.Шакирова Зәйдә яшәүче хезмәт ветераны Хәйруллин Фәйзерахман Хәли улын 90 яшьлек юбилее белән котлады. Чарада ветераннар Советы рәисе Г.С.Хәлиуллин һәм автоклуб хезмәткәрләре катнашты.

Зәйнең «Энергетик» мәдәният сараенда 6 гыйнварьда , ислам дине кануннары буенча Мәүлид кичәсе билгеләп үтелә. Район хакимияте тарафыннан оештырылучы әлеге чарага теләге булган һәркем килә ала. Анда дога кылу, мөнәҗәтләр башкару, курай моңын тыңлау да мөмкин булачак. Ул 6 гыйнварьда иртәнге сәгать 9 да башлана.

2016 елның 1 гыйнварыннан юл хәрәкәте иминлеге өлкәсендә яңалыклар гамәлгә керә.Юл хәрәкәте кагыйдәләрен бозган өчен салынган штрафларны 20 көн эчендә яртысын гына түләсәң дә, штраф түләнгән булып исәпләнеләчәк.Ташламалар түбәндәге очракларга бирелми: тиешле тәртиптә теркәлмәгән транспорт чарасын кабат идарә итсәң; исерек килеш транспорт чарасын йөртсәң яки йөртүне исерек кешегә тапшырсаң; юл хәрәкәтен көйләүченең яки светофорның тыелган сигналына кабат чыксаң; каршы хәрәкәт полосасына яки каршы хәрәкәт трамвай юлына кабат чыксаң; берьюнәлешле хәрәкәт юлында кабат каршыга барсаң; юл хәрәкәте кагыйдәсен яки транспорт чарасын эксплуатацияләүнең таләпләрен бозып, кенең дә булса сәламәтлегенә җиңелчә яки уртача авырлыкта зыян салсаң; спиртлы эчемлек кулланганлыкны ачыклау өчен медицина тикшерүеннән баш тартсаң. Юл хәрәкәтенә кагылышлы административ штрафлар турында мәгълүматны www. gibdd.ru ,www.gosuslugi.ru , www.uslugi.tatarstan.ru сайтларында табарга мөмкин. Дәүләт һәм муниципаль түләүләр турындагы дәүләт мәгълүмат системасын (ГИС ГМП) кулланып эшләүче эре банклар аша гына штрафларны түләү ышанычлырак. Әлеге мәгълүмат системасы юл хәрәкәте кагыйдәсен бозган өчен салынган штрафка 50 процент ташлама кулланыламы яки юкмы икәнлеген дә күрсәтә.