ЯҢАЛЫКЛАР

“Яшьлек” боз сараенда авыл мәктәпләре арасында хоккей буенча ачык ярышларның 3 нче этабы узды. Ярышларда Аксар, Кәдер, Югары Шепкә, Александр Бистәсе,Чубыклы һәм Якты Күл мәктәпләре катнашты. Урыннар түбәндәгечә билгеләнде: 1 нче урын -Аксар авылы мәктәбе, 2 нче урын Кадер авылы мәктәбе, 3 нче урын Югары Шепкә авылы мәктәбенә бирелде. “Иң яхшы һөҗүм итүче” номинациясендә Нәфис Гыйниятов (Аксар авылы), “Иң яхшы саклаучы”номинациясендә Цыганов Игорь (Кадер авылы),“Иң яхшы капкаччы” номинациясенедә Әхүнҗанов Илнур җиңүче булды. Җиңүчеләр район Башкарма комитетының Грамота, медаль һәм кубокларына лаек булдылар.

1 апрельдән Татарстанда санитар- экология ике айлыгы башланды. Ул 1 нче апрельдән 31 майга кадәр дәвам итәчәк. Бу көннәрдә Татарстанның табигатьне саклау ведомстволары көчәйтелгән эш режимына күчәләр. Зәйдә ишек аллары, парклар һәм скверлар, урам буйларындагы яшеллекләр сфетофор яннары һәм юл тамгалары, торак йортлар һәм балалар бакчалары мәйданчыклары чистартылачак.

28 нче мартта, республика программасы кысаларында агымдагы елда районда төзелүче һәм капиталь ремонт ясалучы социаль объектлар тикшерелде. Аның эшендә Район Башкарма комитеты җитәкчесе И.Ф.Хафизов, аның урынбасары Н.А.Нифатов, Татарстан Республикасы (ГИСУ) Көньяк-Көнчыгыш территориаль идарәсе кураторы Д.Р.Рафыйков, район торак-коммуналь хуҗалыгы бүлеге белгечләре һәм хезмәткәрләре катнашты. Комиссия әгъзалары һәр объектта булып, эшне башкару вакыты һәм графигы белән таныштылар. Район Башкарма комитеты җитәкчесе И.Ф.Хафизов төзү һәм төзекләндерү эшләрендә техника куркынычсызлыгы кагыйдәләрен төгәл үтәү һәм эшне сыйфатлы итеп башкару кирәклеге хакында тагын бер кат аңлатты.

28 нче мартта Татарстан Республикасында Кеше хокуклары буенча вәкаләтле вәкил Сәрия Сабурская коллектив мөрәҗәгатьнең үтәлешен өйрәнү максатында, бистә халкы белән очрашты. Очрашудан соң, “Халык контроле” Татарстан Республикасы дәүләт мәгълүмат системасына килгән мөрәҗәгатьләрне карау мониторингын тормышка ашыру кысаларында, Татарстан Республикасында Кеше хокуклары буенча вәкаләтле вәкил Сәрия Сабурская район башкарма комитеты җитәкчеләре һәм җаваплы хезмәткәрләре белән киңәшмә уздырды. Утырышта җитди контрольда булган документларның үтәлеше каралды. Татарстан Республикасында Кеше хокуклары буенча вәкаләтле вәкил Сәрия Сабурская “Халык контроле”нә килгән мөрәҗәгатьләрнең Зәй районы буенча үтәлешенә уңай бәя бирде.

28 нче мартта “Энергетик” мәдәният сараенда район Башкарма комитеты җитәкчесе урынбасары А.В.Чапков катнашуында гаилә политикасына кагылышлы мәсьәләр буенча түгәрәк өстәл үтте. Анда Башкарма комитетның җаваплы җитәкчеләре һәм хезмәткәрләре, социаль яклау бүлеге белгечләре һәм психологлар катнашты. Көн тәртибе буенча ЗАГС идарәсе башлыгы Г.И.Вәлишина чыгыш ясады. Түгәрәк өстәл янында демография һәм гаилә политикасына кагылышлы сораулар буенча кызыклы фикер алышу булды. Очрашуга район Башкарма комитеты җитәкчесе урынбасары А.В.Чапков нәтиҗә ясады.

Районыбыз мәчет һәм чиркәүләрендә Кемерово шәһәрендә һәлак булганнарга дога кылалар. Искә алу чарасы барлык мөселман һәм православие дине тотучылар арасында башкарылды. Свято-Троицкий соборы рухание Андрей Стребков православие дине, Үзәк мәчет имам мөхтәсибе Фатыйх хәзрәт Нуруллин мөселман дине тотучылар белән бергә Кемеро шәһәрендә һәлак булучыларны искә алып, алар өчен дога укыдылар, исән калганнарның тизрәк терелүләрен теләделәр. 30 мартта Үзәк мәчеттә җомга намазы һәлак булганнарны тагын бер кат искә алып башкарылачак.

28 нче мартта Мирный бистәсе паркында Кемерово шәһәренең “Кышкы чия” сәүдә үзәгендә һәлак булучыларны искә алу акциясе үтте. Акциядә шәһәр мәдәният йорты хезмәткәрләре белән берлектә “Миләшкәй” балалар бакчасында тәрбияләнүчеләр дә катнашты. Кемерово шәһәрендә һәлак булучылар истәлегенә һавага шарлар очырттылар.Чарада барлыгы 40 кеше катнашты.

28 мартта илдә Россия Президенты Владимир Путин указы белән матәм көне игълан ителде. Бүген шул вакыйга уңаеннан Зәйдә көндезге сәгать 10да “Энергетик” Мәдәният сарае каршындагы мәйданда коточкыч янгында һәлак булучыларны искә алу чарасы уздырылды. Анда бу вакыйгага битараф булмаган һәркем катнаша ала. Шәһәрнең үзәк мәйданында фаҗигадә һәлак булучыларны искә алу, чәчәкләр салу өчен урын билгеләнде. Иртән иртүк бирегә балалар һәм өлкәннәр кайгы уртаклашырга килә башлады. Алар бирегә чәчәкләр, йомшак уенчыклар китерәләр, шәмнәр куялар. Плакатларда “Кемерово, Зәй синең белән бергә!”, “Онытмыйбыз, кайгырабыз” дигән сүзләр язылган. Теләгән кеше көн дәвамында бирегә килеп, кайгы уртаклаша ала. Кичке сәгать 6да биредә әлеге акция  тагында киң колач алды. Бүген Татарстан Республикасында барлык күңел ачу чаралары кичектерелде.

“Иң яхшы территориаль иҗтимагый җирле үзидарә” республика конкурсының нәтиҗәләре билгеле булды. Конкурс нәтиҗәләреннән күренгәнчә, җиңүчеләр арасында «Мирный” территориаль җирле иҗтимагый үзидарәсе ( Мария Гәрәпшина) 2 нче урынны алды, өченче урынга “Новый город”(Яңа шәһәр”) ” ( Тамара Васильевна) территориаль иҗтимагый җирле үзидарәсе лаек булды. Отып алынган акчалар балалар мәйданчыкларын төзекләндерүгә һәм аларга өстәмә уен элементлары алуга тотылачак.

27 нче мартта хакимиятнең кече залында шәһәрне җылылык белән тәэмин итүнең актуальләштерелгән схема проекты буенча ачык тыңлаулар узды. Көн тәртибенә куелган бу мәсьәлә буенча Зәй шәһәре Башкарма комитеты җитәкчесе С.В.Максимов чыгыш ясады.