ЯҢАЛЫКЛАР

14 июльдә Зәйнең “Җиләк” һәм “Сәвәләй” фольклор ансамбльләре Мамадыш районы Җөри авылында узучы республикакүләм бәйрәм “Питрау-2018” дә катнаштылар. Анда безнекеләр крәшен йорты ихатасын тәкъдим итте. Фольклор коллективлар бәйгесендә чыгыш ясаган “Җиләк” ансамбле махсус дипломга һәм статуэткага лаек булды.

13 июльдә Татарстанның Азнакай районында “Чатыр тауда җыен” фольклор фестивале узды. Шушы якның борынгы йоласын торгызу бәйрәмендә башка төрки халыкларның да мәдәнияте күрсәтелде. Фестиваль агымдагы елда сигезене мәртәбә үткәрелде инде.

Җәй төзү-төзекләндерү өчен иң кулай чор. Укучылар җәйге ялларда булу сәбәпле, мәктәпләрне төзекләндерүгә бөтен мөмкинлекләр дә бар. Агымдагы елда Зәй районында 13 шәһәр һәм авыл мәктәбе ремонтланачак. Аларны ремонтлау өчен  район бюджетыннан тугыз миллионнан артык сум акча бүлеп бирелгән.

 21 июльдә  "Изге Болгар җыены" - мөселманнар корылтае булачак. Ул, елдагыча, Татарстанның Спас районында уздырыла һәм Идел Буе Болгарында рәсми рәвештә Ислам динен кабул итүгә 1129 ел тулуга багышланачак. "Изге Болгар җыены"на барырга Зәй мөселманнары да әзерләнә. Кызыксындырган сораулар  булса, үзәк мәчеткә  7-14-63 телефоны аша шалтыратырга мөмкин.

“Челтәр компаниясе” АҖнең Түбән Кама электр челтәре, Зәй муниципаль район территориясендә билгесез затларның “ЭнергоКонтроль”, “Электросервис” ҖЧШ вәкилләре исеменнән, электр энергиясен исәпләү приборларының срогы чыгуы, тикшерү, көйләү мөмкин түгеллеге, алмаштырырга кирәк булуы хакында хәбәр итеп йөрүчеләрнең билгеле булуы турында искәртә.

Зәй авыл хужалыгы һәм азык-төлек идарәсеннән алынган мәгълүматлар буенча, райоңда тәүлегенә 85 тонна сөт савып алына. Бу бер сыерга 15, 8 килограмм сөт савып алына дигән сүз.

15 июльдә Р. Ш. Фәрдиев исемендәге паркта Эльмира Вдовина җитәкчелегендә "Спортлы Зәй" дип аталган традицион фитнес дәресе узды. Тренировка тай-бо стилендә узды.

Зәйдә “Питрау көне”ндә көрәш, армспорт, гер спорты һәм мас-рестлинг буенча ярышлар узды. Гер спортыннан үз авырлыкларында Алсу Гатина, Ринат Хафизов, Дмитрий Игънатьев, Ленар Нәбиуллин, армспорттан Марсель Егоров, Анастасия Дубинина, мас-рестлингтан Радик Хәйбуллин, Айнур Шәфиев, Анна Муханова, Рамилә Асадова, Анастасия Дубинина, көрәштән Инсаф Камалиев, Вадим Трофимов, Альберт Сәхабиев, Дмитрий Левашов, Руслан Хәмидуллин, Радик Сәлахов җиңүче булды.

Бүген православие динендәгеләр Питрау бәйрәмен билгеләп үтә. 12 июль – җәйнең кыл уртасы, бу көнне тереклек һәм үсемлекләр дөньясында үзгәрешләр башлана, нәкъ көн уртасында кошлар сайраудан туктый. Бу көнне җыеп киптерелгән кыр чәчәкләре, барлык авырулардан файдалы диләр.

Зәй эчке эшләр бүлегендә агымдагы елның 6 ае нәтиҗәләре буенча утырыш үтте. Аның эшендә район башлыгы Разиф Кәримов, районның хокук саклау органнары хезмәтләре җитәкчеләре, эчке эшләр бүлеге хезмәткәрләре катнашты.