“Челтәр компаниясе” АҖнең Түбән Кама электр челтәре хәбәр итә

“Челтәр компаниясе” АҖнең Түбән Кама электр челтәре, Зәй муниципаль район территориясендә билгесез затларның “ЭнергоКонтроль”, “Электросервис” ҖЧШ вәкилләре исеменнән, электр энергиясен исәпләү приборларының срогы чыгуы, тикшерү, көйләү мөмкин түгеллеге, алмаштырырга кирәк булуы хакында хәбәр итеп йөрүчеләрнең билгеле булуы турында искәртә. Әлеге оешмалар исәпләү приборларын алыштыруны чагыштырмача кыйммәт бәядән башкаралар. Челтәр предприятиесе рөхсәтеннән башкарылган бу эшләр исә, кулланылган электр энергиясен исәпкә алмыйча, файдалану турында акт төзүгә нигез булып тора. Исәпләү приборын алмаштыру бары тик прибор сафтан чыкканда яисә тикшерү срогы чыккан очракта гына эшләнә. РФ Хөкүмәтенең 354нче карары нигезендә приборга поверка ясау яки аны алмаштыру челтәр предприятиесе белән килешенеп кенә эшләнә ала һәм приборны эшкә җигү дә әлеге оешма тарафыннан башкарыла. “Челтәр компаниясе” АҖ электр энергиясе исәпләү приборларын сату белән шөгыльләнми, шул сәбәпле, электр исәпләү приборларын махсус сату нокталарында алырга киңәш ителә. Электр энергиясен исәпләү приборлары буенча проблемалар булганда, “Челтәр компаниясе” үзәгенә 8-800-200-878 телефоны аша шалтыратырга мөмкин.