ЯҢАЛЫКЛАР

2014 елның 5 нче апрелендә Карабаш эшчеләр поселогында “Татарстан-Яңа гасыр” ир-атлары командалары арасында волейбол буенча ярышлар узды. Ярышларда Азнакай, Зәй, Бөгелмә,Ютазы, Карабаш, Баулы һәм Әлмәт командалары катнашты. Зәй командасы 2 нче урынны алды.

2014 елның 25 нче мартында «Сәламәтлек» спартакиадасы исәбенә, предприятия, оешма һәм учрежденияләрнең ир- атлар командалары арасында шәһәр беренчелегенә волейбол уеннары үтә. Ярышларда 14 команда катнаша. Алар арасында «Мефро»,»Техно», «ГРЭС», «Инвестстройсервис»,Мәгариф бүлеге, «Зенит»,» «Спартак», «УТТ», 4 нче мәктәп (Динама),Сәвәләй, Чыбыклы авыл җирлекләре, Балалар һәм яшьүсмерләр спорт мәктәбе, Яңа шәһәр һәм Башкарма комитет бар.

6 апрельдә Энергетиклар мәдәният йорты сәхнәсендә гитаристлар ансамбле һәм «Виктория»ансамбленең (җитәкчесе Ф. Иноятова) беренче иҗат сезоннары тәмамланды.

2014 елның 28 мартыннан 3 апреленә кадәр «Яшьлек» боз сараенда Зәй муниципаль районы ир- атлары һәм яшьләре командалары арасында хоккей буенча язгы тур узды. Ярышларда политехника көллияте, «Форвард» сөючеләр, Аксар авылының “Нур”, “Яшьлек” балалар һәм яшьүсмерләр спорт мәктәбенең “Яшьлек-99” командалары катнашты.

Гаиләдә бала туу- ул үзе зур бүләк. Бала тавышы булган йорт –бәхетле гаилә.

Шәһәребезнең физкультура-сәламәтләндерү комплексы залында коррекцион мәктәпләрдә укучы балалар арасында, махсус Рәсәй Олимпиада программасы нигезендә төзелгән, футбол буенча 9 нчы республика зона ярышлары булып узды.

ЗАГС бүлегендә башкарма комитет һәм яшьләр эшләре идарәсе белән берлектә район-шәһәрнең 14 яше тулган гражданнарына шәхесне раслаучы документ - паспорт тапшыру тантанасы булды.

6 апрель Россия Федерациясе Эчке эшләр министрлыгының җинаятьләрне ачу органы хезмәткәрләре көне буларак билгеләп үтелә. Нәкъ менә шушы көнне 1963 елда СССР Югары Советы Президиумы указы белән җинаятьләрне ачу бүлеген оештыру карар ителә. Зәйдә җинаятьләрне ачу бүлеге, Чаллы эчке эшләр бүлегенең бер бүлекчәсе буларак, 1963 елда барлыкка килә.

2 апрельдә районыбыз агрофирмаларында авыл-хуҗалыгы техникасының язгы кыр эшләренә әзерлеге тикшерелде һәм җирлекләрдә механизаторлар белән очрашу оештырылды. Авыл хуҗалыгы министрлыгы,”Агрокөч төркеме” ябык акционерлык җәмгыяте, идарәнең җаваплы хезмәткәрләре һәм дәүләт техник карау бүлеге белгечләре авыл хуҗылыгы техникасының әзерлек дәрәҗәсен билгеләделәр, техника куркынычсызлыгы кагыйдәләренең үтәлешен тикшерделәр.

«Дуслык гөлләмәсе» халык иҗаты фестивале Зәйнең яңа талантларын ачуын дәвам итә. Чираттагы концерт Бегиш авылы җирлеге мәдәният йортында, Бигеш һәм Түбән Биш авылы җирлекләре үзешчәннәре катнашында узды.